Лазар Хрэбелянавіч

Лазар Хрэбелянавіч (сербск.: Лазар Хребељановић; 1329 — 28 чэрвеня 1389) — апошні незалежны кіраўнік Сербіі (1370—1389), святы Сербскай праваслаўнай царквы.

Фрэска з манастыра Любастыня,1402—1405

Лазар Хрэбелянавіч
сербск.: Лазар Хребељановић
Нараджэнне	1329[1][2][…] Прылепац[d], Каралеўства Сербія[d]
Смерць	15 чэрвеня 1389[3] Косава поле[d], Вукава зямля
Месца пахавання	манастыр Раваніца[d] Church of the Ascension in Priština[d] Бялград Сентэндрэ манастыр Врднік[d] Сабор Святога Міхаіла[d] манастыр Раваніца[d]
Род	Лазаравічы
Бацька	Прыбац Храбелянавіч[d]
Маці	NN[d][4]
Жонка	Міліца Сербская
Дзеці	Мара Лазаравіч Бранкавіч[d][5], Алівера Дэспіна[d], Jelena Balšić[d], Стэфан Лазаравіч[5], Teodora Lazarević[d], Драгана Сербская[d] і Вук Лазаравіч[d]
Веравызнанне	Сербская праваслаўная царква
Бітвы	Бітва на Косавым полі
Медыяфайлы на Вікісховішчы

Лазар паходзіў не з царскага роду; ён быў жанаты на Міліцы, радавод якой часта выводзяць, каб звязаць Лазара з Неманічамі, ад Стэфана Першавенчанага. Упершыню Лазар вызначыўся пасля смерці Стэфана Душана, калі Сербскае царства распалася на асобныя часткі і феадалы пачалі разлютаваную барацьбу за першынство. На Вукашына, які захапіў уладу, падняліся ўсе сербскія велікашы, у тым ліку і Лазар. Ён запрасіў на дапамогу Людовіка I Венгерскага і захапіў у Вукашына ўдзелы і ўладу, а Людовік заняў Мачву.

Лазар не зваў сябе ні царом, ні каралём, але толькі князем, самадзержцам усёй Сербскай зямлі, і жыў у Крушэвацы. У 1376 Лазар дамогся ад візантыйскага патрыярха вызвалення ад накладзенага ім на Сербію яшчэ пры Стэфане Душане праклёну і прызнання сербскага патрыярхата.

Партрэтная фантазія сучаснага жывапісца

Скарыстаўшыся смерцю Людовіка Вялікага Венгерскага, Лазар адваяваў Мачву з Бялградам. Туркам Лазар плаціў штогадовую даніну, але марыў пазбавіцца ад іх, для чаго заключыў ваенны саюз з Твртка Баснійскім і Георгіем Кастрыётам Албанскім.

Калі ў 1389 султан Мурад I прывёў на Косава поле войска, якое нашмат пераўзыходзіла войска Лазара, лёс Сербіі быў вырашаны. Памяць пра Лазара, які загінуў у бітве, да цяперашняга часу захавалася ў сербскіх народных песнях. Святы Лазар быў абезгалоўлены, і яго мошчы былі перанесены ў Раваніцу, дзе насельніцы манастыра ў наш час даглядаюць за хворымі дзецьмі. З 1889 года ў Сербіі ўручаецца ордэн Святога князя Лазара.

Гл. таксама

• Лазаравічы — нашчадкі Лазара і Міліцы.

Зноскі

1. Lazar I // Nationalencyklopedin — 1999. Праверана 9 кастрычніка 2017.

   <a href='https://wikidata.org/wiki/Track:Q1165538'></a>
2. Lazar I. // CONOR.SI Праверана 9 кастрычніка 2017.

   <a href='https://wikidata.org/wiki/Track:Q16744133'></a>
3. Руская Вікіпедыя — 2001.

   <a href='https://wikidata.org/wiki/Track:Q206855'></a>
4. Pas L. v. Genealogics — 2003.

   <a href='https://wikidata.org/wiki/Track:Q19847329'></a><a href='https://wikidata.org/wiki/Track:Q19847326'></a>
5. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>