Лар’ян

Лар’ян (фр.: Lorient, брэт.: An Oriant) — партовы горад і камуна на паўночным захадзе Францыі, размяшчаецца ў дэпартаменце Марбіян рэгіёна Брэтань.

Камуна Лар’ян фр.: Lorient Сцяг[d] Герб Краіна  Францыя Рэгіён Брэтань Дэпартамент Марбіян Каардынаты 47°44′48″ пн. ш. 3°21′53″ з. д.HGЯO Мэр Нарбер Метэры Заснаваны 1628 Ранейшыя назвы L’Orient Плошча 17,48 км² Вышыня цэнтра 46 м Водныя аб’екты Scorff[d] і Ter[d] Афіцыйная мова французская Насельніцтва 59189 чалавек (1999) Шчыльнасць 3,386 чал./км² Этнахаронім Lorientais Часавы пояс UTC+1 і UTC+2 Паштовы індэкс 56100 Афіцыйны сайт lorient.com Лар’ян на карце Францыі

Медыяфайлы на Вікісховішчы

Гісторыя

Горад Лар’ян узнік у першай палове XVII стагоддзя ў вусці ракі Блавэ падчас росквіту гандлю з Індыяй. Першапачаткова склады для марскога гандлю размяшчаліся ў Порт-Луі, а ў 1628 годзе на ўсход ад Порт-Луі былі пабудаваны дадатковыя склады, якія сталі вядомыя як усходнія (па-французску: Orient — усход). Пасля 1664 года ў Лар’яне была пабудавана суднаверф французскай Ост-Індскай кампаніі, што спрыяла далейшаму росту горада.

Падчас Другой сусветнай вайны ў горадзе знаходзілася база нямецкіх падводных лодак. Горад падвяргаўся масіраваным авіяналётам саюзнікаў і быў практычна цалкам разбураны, асабліва моцныя бамбардзіроўкі праводзіліся ў студзені—лютым 1943 года. У сучасным Лар’яне пераважае архітэктура 1950-х гадоў.

Эканоміка

Асноўнае значэнне ў эканоміцы Лар’яну мае порт, галоўнымі галінамі ў эканоміцы ёсць гандаль, рыбалоўства, пасажырскія перавозкі.

Культура

Для прыцягнення турыстаў праводзяцца спартыўныя спаборніцтвы на вадзе і штогадовы з 1971 года, агульна-кельцкі фестываль этнічнай музыкі.

Гарады-пабрацімы Лар’яна

• Голуэй, Ірландыя
• Віга, Іспанія
• Біркенхед, Вялікабрытанія
• Вэнтспілс, Латвія
• Людвігсхафен, Германія
• Чэске-Будзеёвіцы, Чэхія
• Дэнізлі, Турцыя

Спасылкі

• На Вікісховішчы ёсць медыяфайлы па тэме Лар’ян
• Афіцыйны сайт горада Архівавана 24 лютага 2017.