Леў Платонавіч Сімірэнка

Леў Платонавіч Сімірэ́нка^[3] (укр.: Левко Платонович Симиренко; 18 лютага 1855 — 6 студзеня 1920^[4]) — вучоны ў галіне пладаводства і памалогіі.

Леў Платонавіч Сімірэнка
укр.: Симиренко Левко Платонович
Дата нараджэння	6 (18) лютага 1855
Месца нараджэння	Чаркаскі павет[d], Кіеўская губерня, Расійская імперыя
Дата смерці	6 студзеня 1920(1920-01-06) (64 гады)
Месца смерці	Гарадышчынскі раён, Украіна
Грамадзянства	Расійская імперыя  Украінская Народная Рэспубліка
Бацька	Platon Symyrenko[d]
Дзеці	Volodymyr Symyrenko[d][1]
Род дзейнасці	батанік
Навуковая сфера	садаводства і памалогія[2]
Альма-матар	Адэскі нацыянальны ўніверсітэт імя І. І. Мечнікава
Медыяфайлы на Вікісховішчы

Біяграфія

Нарадзіўся ў сяле Мліеў Чаркаскага павета Кіеўскай губерні. У 1873 годзе скончыў гімназію і паступіў на фізіка-матэматычны факультэт Кіеўскага ўніверсітэта. Потым перайшоў на натуральны факультэт Імператарскага Наварасійскага ўніверсітэта (Адэса). У час вучобы прымаў удзел у студэнцкім рэвалюцыйным руху, быў тройчы арыштаваны. Наварасійскі ўніверсітэт скончыў у 1879 годзе^[3]. На апошнім курсе ўніверсітэта Л. П. Сімірэнка абараніў дысертацыю па арганічнай хіміі і яму была прысуджана ступень кандыдата натуральных навук^[4]. У 1878 годзе быў сасланы ў Краснаярск, потым — у Балаганск Іркуцкай губерні. У Краснаярску па прапанове прамыслоўца П. І. Кузняцова заняў месца яго садоўніка ў аранжарэйнай гаспадарцы, вырошчваў новую для гэтага краю раннюю гародніну, пладовыя і дэкаратыўныя дрэвы, рэканструяваў гарадскі парк^[4]. Пасля сканчэння ссылкі ў канцы 1886 года Л. П. Сімірэнка пераехаў у Курск, а ў 1887 годзе вярнуўся на радзіму, у Мліеў^[4]. Тут ён закладвае першы ў Расіі пладовы гадавальнік і памалагічны сад^[4]. У 1888—1917 гадах неаднаразова прыязджаў у Крым, дзе вывучаў прамысловае пладаводства, сартымент вырошчваемых сартоў. Пры ўдзеле Л. П. Сімірэнкі ў Крыме ў 1913 годзе была арганізавана першая ў Расійскай імперыі доследная станцыя садаводства — Салгірская памолага-садовая станцыя (цяпер Крымская доследная станцыя садаводства)^[4]. Пасля Кастрычніцкай рэвалюцыі Л. П. Сімірэнка жыў у Мліеве, быў прызначаны дырэктарам і навуковым кіраўніком створанага ім гадавальніка.

6 студзеня 1920 года Л. П. Сімірэнка трагічна загінуў пры нявысветленых абставінах.

Прызнанне

• Быў абраны членам-карэспандэнтам Бельгійскага таварыства садаводаў, у 1895 годзе — ганаровым членам Французскага нацыянальнага памалагічнага таварыства.
• Праца Л. П. Сімірэнкі «Крымскае прамысловае пладаводства» была ўдастоена ў 1913 годзе залатога медаля Французскага нацыянальнага Таварыства садаводства, Вялікага залатога медаля імя Стэвена на Усерасійскай выставе пладаводства і ў 1914 годзе — Вялікага залатога медаля горада Петраграда на Міжнароднай выставе садаводства.

Памяць

У гонар Л. П. Сімірэнкі названы Інстытут памалогіі Нацыянальнай акадэміі аграрных навук Украіны, вуліцы ў Кіеве, Адэсе, Краснадары, сяле Мэдвэжэ Вушка ў Вінніцкім раёне Вінніцкай вобласці, завулак у Сімферопалі. У 1980 годзе заснавана Прэмія Нацыянальнай акадэміі навук Украіны за выдатныя навуковыя працы ў галіне садаводства, дэндрабіялогіі і кветкаводства. У 1996 годзе была выпушчана паштовая марка Украіны, прысвечаная Льву Платонавічу Сімірэнку.

Зноскі

1. різні автори Енциклопедія сучасної України — Інститут енциклопедичних досліджень НАН України, 2001. — ISBN 966-02-2075-8 Праверана 26 верасня 2025.

   <a href='https://wikidata.org/wiki/Track:Q4201869'></a><a href='https://wikidata.org/wiki/Track:Q2818964'></a><a href='https://wikidata.org/wiki/Track:Q4532152'></a>
2. Národní autority České republiky Праверана 7 лістапада 2022.

   <a href='https://wikidata.org/wiki/Track:Q13550863'></a>
3. БелЭн 2002.
4. Симиренко Лев Платонович // Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017.