Леў Міхайлавіч Шакун

Леў Міхайлавіч Шакун^[2] (14 верасня 1926 — 6 лістапада 1996^[3]) — вучоны ў галіне мовазнаўства, доктар філалагічных навук (1966), прафесар (1967). Заслужаны работнік вышэйшай школы БССР (1979).

Леў Міхайлавіч Шакун
Дата нараджэння	14 верасня 1926(1926-09-14)
Месца нараджэння	Браткава, Браткаўскі сельсавет, Капыльскі раён, Слуцкая акруга, Беларуская ССР, СССР
Дата смерці	6 лістапада 1996(1996-11-06)[1] (70 гадоў)
Грамадзянства	СССР  Беларусь
Род дзейнасці	навуковец
Навуковая сфера	мовазнаўства
Месца працы	БДУ
Навуковая ступень	доктар філалагічных навук (1966)
Навуковае званне	прафесар (1967)
Альма-матар	філалагічны факультэт БДУ (1950)
Прэміі
Узнагароды

Біяграфія

Нарадзіўся ў вёсцы Браткава (сучасны аграгарадок у Капыльскім раёне Мінскай вобласці Беларусі). У час Вялікай Айчыннай вайны з кастрычніка 1942 па 20 ліпеня 1944 года ў партызанах, баец штаба 27-й партызанскай брыгады імя В. І. Чапаева^[4]. У 1950 годзе скончыў філалагічны факультэт Беларускага дзяржаўнага ўніверсітэта, у 1953 годзе — аспірантуру. З 1953 года працаваў у Беларускім дзяржаўным універсітэце на кафедры беларускай мовы філалагічнага факультэта, пасаду загадчыка якой займаў у 1966—1992 гадах.

Навуковая дзейнасць

Займаўся даследаваннем гісторыі і праблем развіцця беларускай літаратурнай мовы, словаўтварэння, праблем выкладання беларускай мовы ў вышэйшых навучальных установах. Вывучаў гісторыю беларускага мовазнаўства.

Сярод апублікаваных прац:

• Станаўленне і развіццё беларускай літаратурнай мовы (1959);
• Нарысы гісторыі беларускай літаратурнай мовы (1960);
• Марфемны слоўнік беларускай мовы (1975, 2-е выданне 1985, разам з А. М. Багдановічам);
• Словаўтварэнне (Мінск: Вышэйшая школа, 1978);
• Гісторыя беларускага мовазнаўства (1995).

Узнагароды

• Медаль «Партызану Айчыннай вайны» II ступені^[4]
• Ордэн Айчыннай вайны II ступені (1985)^[5]
• Дзяржаўная прэмія БССР 1986 года^[2].
• Медаль Францыска Скарыны^[6]
• Ганаровыя граматы Прэзідыума Вярхоўнага Савета БССР, граматы міністэрстваў і рэктарата Беларускага дзяржаўнага ўніверсітэта^[6].
• Медалі

Зноскі

1. Library of Congress Authorities — Library of Congress. Праверана 22 снежня 2019.

   <a href='https://wikidata.org/wiki/Track:Q13219454'></a><a href='https://wikidata.org/wiki/Track:Q131454'></a>
2. Беларусь 1995.
3. Вучоныя Беларусі. Шакун, Леў Міхайлавіч (доктар філалагічных навук ; мовазнаўства; 1926—1996)
4. Партизаны Беларуси // Специальный проект Издательского дома «Беларусь сегодня» и Национального архива Республики Беларусь (руск.)
5. Память народа — электронный банк документов периода Великой Отечественной войны(недаступная спасылка) (руск.)
6. Нашы выпускнікі. Шакун Леў Міхайлавіч (1926—1996)