Людміла Мікалаеўна Канановіч

Людміла Мікалаеўна Канановіч (нар. 3 снежня 1966, в. Мясата, Маладзечанскі раён, Мінская вобласць) — беларускі педагог, дэпутат Палаты прадстаўнікоў Нацыянальнага сходу Рэспублікі Беларусь VI склікання.

Людміла Мікалаеўна Канановіч
Дэпутат Палаты прадстаўнікоў Нацыянальнага сходу Рэспублікі Беларусь VI склікання з 11 кастрычніка 2016
Прэзідэнт	Аляксандр Лукашэнка
Кіраўнік урада	Андрэй Кабякоў
Нараджэнне	3 снежня 1966(1966-12-03) (58 гадоў) Мясата, Мясоцкі сельсавет, Маладзечанскі раён, Мінская вобласць, Беларуская ССР, СССР
Партыя	Белая Русь[1]
Адукацыя	БДПУ Акадэмія кіравання пры Прэзідэнце Рэспублікі Беларусь
Узнагароды	Ганаровая грамата Мінскага абласнога выканаўчага камітэта[d] Ганаровая грамата Міністэрства культуры Беларусі[d] Ганаровая грамата Міністэрства інфармацыі Беларусі[d]

У Вікіпедыі ёсць артыкулы пра іншых людзей з прозвішчам Канановіч.

Біяграфія

Скончыла Мінскі дзяржаўны педагагічны інстытут імя А. М. Горкага, настаўнік матэматыкі; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і ідэалогія».

Працавала настаўнікам матэматыкі, намеснікам дырэктара і дырэктарам дзяржаўнай установы адукацыі «Гімназія № 3 г. Маладзечна»; намеснікам старшыні Маладзечанскага райвыканкама.

З'яўлялася дэпутатам раённага Савета дэпутатаў дваццаць сёмага склікання.

З 2016 года дэпутат Палаты прадстаўнікоў Нацыянальнага сходу Рэспублікі Беларусь VI склікання.

Узнагароды

Узнагароджана ганаровымі граматамі Мінскага абласнога выканаўчага камітэта, Міністэрства культуры Рэспублікі Беларусь, Міністэрства інфармацыі Рэспублікі Беларусь, граматамі Маладзечанскага раённага выканаўчага камітэта. Мае Падзяку Прэзідэнта Рэспублікі Беларусь.

Занесена на Дошку гонару Маладзечанскага раёна.

Асабістае жыццё

Замужам, мае сына і дачку.

Зноскі

1. https://mgazeta.by/obrazovanie/item/1554-z-belaj-russyu-u-pershy-klas.html