Магераўка

Ма́гераўка^[1] (трансліт.: Mahieraŭka, руск.: Магеровка) — вёска ў Аршанскім раёне Віцебскай вобласці. Уваходзіць у склад Зубаўскага сельсавета.

Вёска Магераўка Краіна Беларусь Вобласць Віцебская Раён Аршанскі Сельсавет Зубаўскі Каардынаты 54°21′47″ пн. ш. 30°28′44″ у. д.HGЯO Насельніцтва ▼237 чал. (2009) Часавы пояс UTC+3 Тэлефонны код +375 216 Паштовыя індэксы 211036 Аўтамабільны код 2 Магераўка Магераўка

Да 2013 года вёска ўваходзіла ў склад Якаўлевіцкага сельсавета^[2].

Назва

Згодна з В. Жучкевічам, назва вёскі Магераўка вытворная ад прозвішча Магераў нямецкага паходжання. Сэнсавае значэнне асновы — хударлявы, сухарлявы. Такія ж назвы сустракаюцца за межамі Беларусі, напрыклад г. Магераў у Львоўскай вобласці Украіны^[3].

Паводле М. Бірылы, беларускія прозвішча Магер, Магера звязаныя са словам магерка^[4].

Ёсць літоўскае двухасноўнае прозвішча Mageras^[5]. Верагодна, ад гэтага імені і прозвішча Магераў і адпаведныя тапонімы. Так жа сама з прускім іменем Stawelle звязваецца відзаўскае прозвішча Ставелаў, і інш.^[6]

Гісторыя

Паводле фундуша ад 30 чэрвеня 1592 года граф на Шклове і Мышы Аляксандр Іванавіч Хадкевіч запісаў на ўтрыманне плябана толькі што збудаванага ў Шклове касцёла 3 вёскі: Лешчу, Магераўку і Турлаі, якія ад 1623 года перайшлі ва ўласнасць Шклоўскага дамініканскага кляштара.^[7]

Зноскі

1. Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).
2. Решение Витебского областного Совета депутатов от 10.10.2013 N 292 «Об изменении административно-территориального устройства некоторых районов Витебской области» Архівавана 5 лютага 2016.
3. В. А. Жучкевич. Краткий топонимический словарь Белоруссии. Минск, 1974. С. 218.
4. Бірыла М. В. Беларуская антрапанімія. 2. Прозвішчы, утвораныя ад апелятыўный лексікі. Мінск, 1969. С. 265.
5. Lietuvių pavardžių žodynas. L-Ž. Vilnius, 1989. C. 132.
6. Алесь Мікус. Вітаўты і Вітарты: Двухасноўныя імёны старабалцкага тыпу на ўсходзе. — М., 2025. — С. 66.
7. РДГА у Санкт-Пецярбургу, ф. 1400, воп. 2, спр. 143, с. 126.