Мадэст Яцкевіч

Мадэст Яцкевіч (1 мая 1894, Паставы, сёння Віцебская вобласць — 27 лютага 1971) — беларускі рэлігійны дзеяч на эміграцыі.

Мадэст Яцкевіч
Дата нараджэння	1 мая 1894(1894-05-01)
Месца нараджэння	Паставы, Дзісенскі павет, Віленская губерня, Расійская імперыя
Дата смерці	27 лютага 1971(1971-02-27) (76 гадоў)
Грамадзянства	Расійская імперыя  Польская Рэспубліка  Аўстралія
Альма-матар	1-я Віленская мужчынская гімназія (1913)
Творы ў Вікікрыніцах

У Вікіпедыі ёсць артыкулы пра іншых людзей з прозвішчам Яцкевіч.

Біяграфія

Нарадзіўся ў сям’і праваслаўнага святара. У 1913 г. скончыў Віленскую гімназію і падчас Першай сусветнай вайны настаўнічаў на Віленшчыне. У 1921 г. рукапакладзены ў сан святара і да 1939 г. працаваў у розных парафіях Віленскай епархіі. Падчас Другой сусветнай вайны — у кляштары Св. Духа ў Вільні.

У 1944 г. выехаў у Аўстрыю, а пазней — у Аргенціну. У 1956 г. перабраўся ў Мельбурн (Аўстралія), дзе ў 1957 г. прыняў манаскі сан з рук архіепікапа Сергія. Адразу далучыўся да жыцця беларускай грамады. У 1958 г. арганізаваў у Мельбурне парафію Трох Віленскіх мучанікаў Беларускай Аўтакефальнай Праваслаўнай Царквы (БАПЦ).

Займаўся актыўнай выдавецкай дзейнасцю — 1960 г. апрацаваў і выдаў «Каціхізіс, або Навука веры», Стары і Новы Запаветы, нарыс «Даведкі з гісторыі аўтакефаліі Беларускай Праваслаўнай Царквы», запачаткаваў выданне часопісу «Наша Царква» як друкаванага органа БАПЦ у Аўстраліі. У жніўні 1962 г. пасля непаразумення з архіепіскапам Сергіем перайшоў у юрысдыкцыю Сусветнага Патрыярхата і працягваў душпастырскую дзейнасць у новастворанай беларускай парафіі Св. Еўфрасінні Полацкай у Мельбурне. Да самай смерці выдаваў часопіс «Праваслаўным шляхам».

Зноскі