Майсей Альбертавіч Габрыловіч

Майсей Альбертавіч Габрыло́́віч (3 кастрычніка 1912, Рыга — 8 красавіка 1968) — вучоны ў галіне гігіены. Доктар медыцынскіх навук (1964). Прафесар (1965).

Майсей Альбертавіч Габрыловіч
Дата нараджэння	3 кастрычніка 1912(1912-10-03)
Месца нараджэння	Рыга, Ліфляндская губерня, Расійская імперыя
Дата смерці	8 красавіка 1968(1968-04-08) (55 гадоў)
Месца пахавання	Усходнія могілкі
Род дзейнасці	навуковец
Навуковая сфера	гігіена
Месца працы	БДМУ ІПКіПКАЗ Яраслаўскі дзяржаўны медыцынскі ўніверсітэт[d]
Навуковая ступень	доктар медыцынскіх навук
Навуковае званне	прафесар
Альма-матар	Беларускі медыцынскі інстытут (1934)

У Вікіпедыі ёсць артыкулы пра іншых людзей з прозвішчам Габрыловіч.

Біяграфія

М. А. Габрыловіч нарадзіўся ў горадзе Рыга (Латвія). У 1934 годзе скончыў Мінскі медыцынскі інстытут і працаваў у ім. У 1935—1936 гг. Працаваў санітарным урачом, начальнікам акруговай малярыйнай станцыі ў Мазыры. У 1938—1941 гг. навучаўся ў аспірантуры Мінскага медыцынскага інстытута. У 1945 годзе працаваў начальнікам абсервацыйнага пункта ў горадзе Арол, у 1941—1943 гг. дзяржаўным інспектарам і загадчыкам лабараторыяй Народнага камісарыята аховы здароўя Мардоўскай АССР у Саранску. У 1943—1944 гг. асістэнт кафедры гігіены Яраслаўскага медыцынскага інстытута. У 1944 годзе дзяржаўны санітарны інспектар у Мазыры, у 1944—1947 гг. дзяржаўны інспектар Народнага камісарыята аховы здароўя БССР і на пасадзе асістэнта кафедры гігіены Мінскага медыцынскага інстытута. У 1947—1960 гг. на пасадзе намесніка дзяржаўнага інспектара Міністэрства аховы здароўя БССР і дацэнт кафедры гігіены Мінскага медыцынскага інстытута. У 1960—1968 гг. загадчык кафедрай гігіены ў Беларускім інстытуце ўдасканалення ўрачоў, з 1963 года — дэкан тэрапеўтычнага факультэта.

Навуковая дзейнасць

М. А. Габрыловічу належаць навуковыя працы па гігіене, планіроўцы сельскіх населеных пунктаў, камунальнай гаспадарцы.

Сярод апублікаванага:

• Санітарнае добраўпарадкаванне калгасных паселішчаў БССР. — Мн., 1946.
• Санітарная ахова глебы. — Мн., 1959.
• Благоустройство села. — Мн., 1966.
• Асабістая гігіена — аснова здароўя. — Мн., 1960.

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4). — С. 413.

Спасылкі

• Габрилович Моисей Альбертович Архівавана 17 чэрвеня 2021. (руск.) // Сайт БелМАПА
• Габрыловіч, Майсей Альбертавіч (доктар медыцынскіх навук; 1912—1968) // Нацыянальная бібліятэка Беларусі