Малыя Шчытнікі

Малы́я Шчы́тнікі^[1] (трансліт.: Malyja Ščytniki, руск.: Малые Щитники) — вёска ў Брэсцкім раёне Брэсцкай вобласці. Уваходзіць у склад Лышчыцкага сельсавета. Размешчаны за 23 кіламетры на поўнач ад Брэста, 2,5 кіламетры ад чыгуначнай станцыі Лышчыцы.

Вёска Малыя Шчытнікі Краіна Беларусь Вобласць Брэсцкая Раён Брэсцкі Сельсавет Лышчыцкі Каардынаты 52°14′03″ пн. ш. 23°29′54″ у. д.HGЯO Насельніцтва 127 чал. (1999) Часавы пояс UTC+3 Тэлефонны код +375 162 Аўтамабільны код 1 СААТА 1212820081 Малыя Шчытнікі на карце Беларусі ±

Малыя Шчытнікі на Вікісховішчы

Гісторыя

Паводле пісьмовых крыніц вядомы з XVI стагоддзя як шляхецкая ўласнасць у Берасцейскім павеце Вялікага Княства Літоўскага. У 1566 годзе ў Берасцейскім старостве, належала зямянам Гарнастаевым. У 1742 годзе ў прысядзібным парку пабудаваны з цэглы невялікі касцёл.

Сядзіба ў 1893 годзе

У XIX стагоддзі вёска ў Брэсцкім павеце Гродзенскай губерні. У 1821 годзе пан Ф. Паніхвіцкі сумесна з мясцовым святаром А. Будзіловічам пабудаваў мураваную праваслаўную царкву з драўлянай званіцай. У 1886 годзе сяло, цэнтр маёнтка Шчытнікі; 96 мужчын, 102 жанчыны. У 1890 годзе маёнтак належаў пані В. Дхумоўскай, якая мела, якая мела 437 дзесяцін зямлі.

Уязная брама і сядзіба на здымку, зробленым да 1939 года

У 1905 годзе вёска (78 жыхароў) у Лышчыцкай воласці. Паводле Рыжскага мірнага дагавора ў складзе Польшчы, у Лышчыцкай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну загінулі на фронце 10 жыхароў.

Насельніцтва

• 63 гаспадаркі, 134 жыхары (2005)
• 31 двор, 137 жыхароў (1921)
• 47 двароў, 235 жыхароў (1941)
• 234 жыхары (1959)
• 163 жыхары (1970)
• 63 гаспадаркі, 116 жыхароў (1997)

Славутасці

Сучасны выгляд перабудаванай сядзібы

Мемарыяльны камень Казіміру Лышчынскаму

• За 1 кіламетр на паўночны захад ад вёскі, ва ўрочышчы Кірганы, знаходзіцца археалагічны помнік — курганны могільнік (мясцовая назва: Шведскія магілы).
• Свята-Пакроўская царква.
• Сядзіба Тукалаў (XIX ст.)
• мемарыяльны камень Казіміру Лышчынскаму.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)