Манашка

Манашка, Шаўкапрад-манашка^[1], Чарнічка звычайная^[2] (Lymantria monacha) — начны матылёк сямейства ваўнянак, лясны шкоднік.

Манашка
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Надсямейства:  Noctuoidea Сямейства:  Ваўнянкі Род:  Lymantria Падрод:  Lymantria (Lymantria) Від:  Манашка
Міжнародная навуковая назва
Lymantria monacha Linnaeus, 1758
Сінонімы
Phalaena monacha (Linnaeus, 1758) Liparis monacha (Linnaeus, 1758) Ocneria monacha (Linnaeus, 1758) Porthetria monacha (Linnaeus, 1758) Psilura monacha (Linnaeus, 1758)
Сістэматыка на Віківідах Выявы на Вікісховішчы NCBI   78897 EOL   505726

Апісанне

Крылы ў размаху да 45 мм у самцоў, да 60 мм у самак; пярэднія — шараватыя з 4 зігзагападобнымі чорнымі лініямі, заднія — белавата-шэрыя, у самцоў афарбоўка больш зменлівая. Брушка ружаватае з чорнымі палоскамі.

• 
  ♀
• 
  ♂

Пашырэнне

Пашыраны ў лясной і лесастэпавай зонах Еўразіі. На Беларусі жыве ў хвойных і лісцевых лясах.

Асаблівасці біялогіі

Матылі лётаюць па вечарах, вусені кормяцца ўначы. Вусені (даўжыня да 80 мм) кормяцца ігліцай, лісцем, пылком, пупышкамі і парасткамі.

Значэнне

Пашкоджвае многія дрэвы, асабліва елку, сасну, лістоўніцу, бук, дуб, граб, бук, яблыню, бярозу; наогул усе іглічныя, акрамя ядлоўца і ціса, з лісцяных не чапаюць алешыну, грушу, ясень, бэз, брызгліну і парэчкі з агрэстам.

Зноскі

1. Напісанне Манашка, Шаўкапрад-манашка ў адпаведнасці з БЭ ў 18 тамах., Т.10. Мн., 2000, С.64
2. Беларуская навуковая тэрміналогія: слоўнік лясных тэрмінаў. — Мінск: Інбелкульт, 1926. — Т. Вып. 8. — 80 с. - у крыніцы пад назвай Ocneria monacha)