Мора ўнутры

«Мора ўнутры» (ісп.: Mar adentro) — фільм Алехандра Аменабара. Заснаваны на рэальных падзеях аповед пра два апошнія гады жыцця галісійца Рамона Сампедра, на працягу амаль 30 гадоў змагаўся за права на ўласную эўтаназію. Назва фільма — словы з аднайменнага верша, напісанага галоўным героем і ўключанага ў яго кнігу «Лісты з пекла» (Cartas desde el Infierno). Уладальнік прэмій «Оскар», «Залаты глобус», «Гоя» і іншых.

Мора ўнутры
ісп.: Mar adentro
Жанры	біяграфічны фільм і драматычны фільм
Рэжысёр	Алехандра Аменабар[1][2][…]
Прадзюсары	Алехандра Аменабар[3] Fernando Bovaira[d][3]
Сцэнарысты	Алехандра Аменабар[4][3] Mateo Gil[d][4][3]
У галоўных ролях	Хаўер Бардэм[2][5][…] Belén Rueda[d][5][6][…] Lola Dueñas[d][5][7][…] Tamar Novas[d][5] Андрэа Ачыпінці[d][5] Mabel Rivera[d][5] Alberto Jiménez[d][5] Josep Maria Pou[d][5] Celso Bugallo Aguiar[d] Clara Segura[d][8] Francesc Garrido[d][8] Alberto Amarilla Bermejo[d][8] Marta Larralde[d][8] Joan Dalmau i Comas[d][8]
Аператар	Javier Aguirresarobe[d]
Кампазітар	Алехандра Аменабар
Кінакампаніі	Grupo PRISA[d], Sogecine[d][9], Himenoptero[d][9], UGC Images[d][9] і Eyescreen[d][9]
Працягласць	125 хв.
Краіна	Іспанія[10][11][…]
Мовы	іспанская[10], галісійская мова і каталанская мова
Год	2004 і 10 сакавіка 2005[12]
Папярэдні фільм	Take My Eyes[d]
Наступны фільм	The Secret Life of Words[d]
IMDb	ID 0369702
Афіцыйны сайт

Сюжэт

Фільм распавядае пра жыццё паралізаванага іспанца Рамона Сампедра (Хаўер Бардэм). Рамон вырашае памерці, і наймае адваката — Хулію (Белен Руэда). Яна спачувае Рамону і спрабуе дамагчыся для Рамона дазволу на эўтаназію. Аднойчы ў дом Рамона выпадкова заходзіць Роза (Лола Дуэн’яс) і гутарыць з ім. У далейшым Роза і Хулія з’яўляюцца бліжэйшым сяброўскім асяроддзем Рамона.

Па-рознаму ставяцца да рашэння Рамона памерці члены яго сям’і: бацька, брат, жонка брата і пляменнік. Хтосьці кажа, што гэта слабасць, хтосьці лічыць, што Рамон мае права выбару. Фільм асвятляе і стаўленне царквы да рашэння Рамона.

Пасля некалькіх сустрэч Рамон пачынае адчуваць каханне да Хуліі, але яна пакутуе на невылечнае захворванне і пасля інсульту губляе здольнасць самастойна перасоўвацца. Яны разам вырашаюць скончыць жыццё самагубствам, як толькі выйдзе першы асобнік кнігі з вершамі Рамона пад назвай «Лісты з пекла». Аднак Хулія аказваецца не гатовая зрабіць гэты крок.

Роза ўсімі сіламі спрабуе выклікаць у Рамона жаданне жыць, але яе ўласнае жыццё далёкае ад дасканаласці. У ходзе гутарак з ёй Рамон аказвае ёй магутную маральную падтрымку. Роза улюбляецца ў Рамона, але ён пераконвае яе, што той, хто яго сапраўды любіць, дапаможа яму памерці.

На судзе Рамону адмаўляюць у праве на добраахвотную смерць. Тады менавіта Роза, зразумеўшы яго, дапамагае зладзіць самагубства. Рамон выпівае раствор цыяністага калію праз трубачку, каб суддзі не вінавацілі нікога ў яго смерці. Рамон, нягледзячы на жаданне смерці, раскрывае сваім сябрам і блізкім каштоўнасць і сэнс жыцця.

Стан Хуліі працягвае пагаршацца. Калі ёй паведамляюць, што Рамон пакінуў ёй лісты, яна ўжо не можа ўспомніць гэтага чалавека.

Зноскі

1. http://www.imdb.com/title/tt0369702/ Праверана 8 мая 2016.
2. http://www.filmaffinity.com/en/film936995.html Праверана 8 мая 2016.
3. europeanfilmawards.eu Праверана 3 жніўня 2021.

   <a href='https://wikidata.org/wiki/Track:Q101244563'></a>
4. http://www.cinemarx.ro/filme/Mar-adentro-Mar-adentro-3626.html Праверана 8 мая 2016.
5. http://www.imdb.com/title/tt0369702/fullcredits Праверана 8 мая 2016.
6. http://stopklatka.pl/film/w-strone-morza Праверана 8 мая 2016.
7. http://www.allocine.fr/film/fichefilm_gen_cfilm=53097.html Праверана 8 мая 2016.
8. Česko-Slovenská filmová databáze — 2001.

   <a href='https://wikidata.org/wiki/Track:Q3561957'></a>
9. https://web.archive.org/web/20190720124252/https://www.europeanfilmacademy.org/2004.102.0.html Праверана 22 снежня 2019.
10. Unifrance — 1949. Праверана 2 верасня 2020.

    <a href='https://wikidata.org/wiki/Track:Q1516429'></a>
11. Lexicon of international films — Zweitausendeins. Праверана 2 верасня 2020.

    <a href='https://wikidata.org/wiki/Track:Q1822317'></a><a href='https://wikidata.org/wiki/Track:Q233161'></a>
12. http://www.kinokalender.com/film5065_das-meer-in-mir.html Праверана 24 снежня 2017.