Музей Обальскага камсамольскага падполля

Музей Обальскага камсамольскага падполля — музей ў гарадскім пасёлку Обаль Шумілінскага раёна Віцебскай вобласці Беларусі. Адкрыты 29 кастрычніка 1965 года як філіял Беларускага дзяржаўнага музея гісторыі Вялікай Айчыннай вайны, з 1 красавіка 2000 года — філіял Шумілінскага гісторыка-краязнаўчага музея.

Музей Обальскага камсамольскага падполля
Профіль	Гістарычны
Заснаваны	1965
Падпарадкаванасць	Міністэрства культуры Рэспублікі Беларусь
Месцазнаходжанне	Обаль, Беларусь
Памеры фонду	1040
Агульная плошча	194
Выставачная плошча	150
Плошча запаснікаў	10
Адрас	211266, Рэспубліка Беларусь, Віцебская вобласць, Шумілінскі раён, г. п. Обаль, вул. Школьная, 1
Адкрыты	10:00–18:00, акрамя панядзелка
podpolie.obol.museum.by/…

У музеі сабрана больш за 1000 экспанатаў як ваеннага, так і даваеннага часу. Сярод экспанатаў — дакументы, фотаздымкі, асабістыя рэчы вядомых герояў-камсамольцаў, творы мастацтва і г.д.

Галоўную экспазіцыю музея ўтвараюць матэрыялы пра дзейнасць у гады Вялікай Айчыннай вайны Обальскай падпольнай камсамольскай арганізацыі «Юныя мсціўцы». У іншых экспазіцыях адлюстраваны ўдзел камсамола Беларусі ў грамадзянскай вайне і сацыялістычным будаўніцтве, подзвігі камсамольцаў і моладзі Беларусі на франтах Вялікай Айчыннай вайны, на акупаванай тэрыторыі, удзел камсамола ў пасляваенным аднаўленні народнай гаспадаркі.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000863

Гл. таксама

• Ефрасіння Савельеўна Зянькова
• Спіс музеяў Віцебскай вобласці
• Зінаіда Мартынаўна Партнова

Літаратура

• Музей комсомольской славы // Память: историко-документальная хроника Шумилинского района / редкол.: И. П. Шамякин [и др.]. — Мн., 1985. — С. 516—517. (руск.)
• Обальскі музей камсамольскай славы // Энцыклапедыя літ. і мастацтва Беларусі. — Мн., 1987. — Т. 4. — С. 11.

Спасылкі

• Обаль, музей — фоткі ад 13.01.2015 г. ды інфармацыя да іх