Мушкацкае

Мушка́цкае, Мушка — возера ў Беларусі, у Глыбоцкім раёне Віцебскай вобласці ў басейне ракі Бярозаўка, за 1 км на поўнач ад горада Глыбокае, каля вёскі Мушкат (Мушкаты^[1]).

Мушкацкае
Морфаметрыя
Вышыня над узроўнем мора	154,6[1] м
Даўжыня	0,84 км
Шырыня	0,71 км
Плошча	0,34 км²
Аб’ём	0,00216 км³
Даўжыня берагавой лініі	2,89 км
Найбольшая глыбіня	18,7 м
Сярэдняя глыбіня	6,4 м
Басейн
Плошча вадазбору	18,4 км²
Размяшчэнне
Краіна	Беларусь
Рэгіён	Віцебская вобласць
Мушкацкае
Мушкацкае

Плошча паверхні возера 0,34 км². Найбольшая глыбіня 18,7 м, сярэдняя 6,4 м. Даўжыня 0,84^[2] км, найбольшая шырыня 0,71 км. Даўжыня берагавой лініі 2,89 км. Аб’ём вады 2,16 млн м³. Плошча вадазбору 18,4 км².
Схілы катлавіны вышынёй 3—6 м, на ўсходзе разараныя, на паўночным захадзе і захадзе параслі лесам. Берагі нізкія, пад хмызняком. Мелкаводдзе пясчанае, глыбей дно ілістае. Прыбярэжная расліннасць пашырана да глыбіні 2,2 м. У возера ўпадаюць 4 ручаі^[3]. Злучана ручаямі (пратокамі^[3]) з азёрамі Забельскае і Падлужнае.

У возеры водзяцца шчупак звычайны, лешч, гусцяра, плотка, акунь, язь, краснапёрка, лінь, карась, судак і іншыя віды рыб.

Зноскі

1. Ліст карты N-35-32. Выданне 1980 года. (руск.)
2. БелЭн 2000.
3. Морфометрические параметры озёр Витебской области // Справочник «Водные объекты Республики Беларусь» Архівавана 6 кастрычніка 2021. (руск.)