Мяжанскі сельсавет (Гарадоцкі раён)

У паняцця ёсць і іншыя значэнні, гл. Мяжанскі сельсавет.

Мяжа́нскі сельсавет — адміністрацыйна-тэрытарыяльная адзінка ў складзе Гарадоцкага раёна Віцебскай вобласці Беларусі. Адміністрацыйны цэнтр — аграгарадок Мяжа.

Мяжанскі сельсавет
Краіна	Беларусь
Уваходзіць у	Гарадоцкі раён
Уключае	53 населеныя пункты
Адміністрацыйны цэнтр	Мяжа
Дата ўтварэння	20 жніўня 1924
Насельніцтва (2019)	1 529
Часавы пояс	UTC+03:00
Код аўтам. нумароў	2

Утвораны 20 жніўня 1924 года ў складзе Мяжанскага раёна Віцебскай акругі БССР. Пасля скасавання акруговай сістэмы з 26 ліпеня 1930 года ў Мяжанскім раёне БССР. З 8 ліпеня 1931 года ў складзе Гарадоцкага раёна, з 12 лютага 1935 года ў складзе новаўтворанага Мехаўскага раёна, з 20 лютага 1938 года — Віцебскай вобласці. 16 ліпеня 1954 года да сельсавета далучана тэрыторыя скасаванага Паташнянскага сельсавета^[1]. З 18 сакавіка 1958 года ў складзе Езярышчанскага раёна. 16 верасня 1960 года ў склад сельсавета з Руднянскага сельсавета перададзены 7 населеных пунктаў (Кавалёва, Каверзіна, Махалава, Немцава, Трубачова, Ціпоры і Шаўрова)^[2]. З 25 снежня 1962 года ў Гарадоцкім раёне. 7 чэрвеня 1966 года ў склад Гуркінскага сельсавета перададзены 4 населеныя пункты (Кавалёва, Каверзіна, Немцава і Шаўрова)^[3]. На 1 студзеня 1974 года ў складзе Мяжанскага сельсавета 20 населеных пунктаў^[4]. 4 сакавіка 1987 года ў склад Газьбенскага сельсавета перададзены вёскі Каверзы і Лялеўшчына^[5]. 8 красавіка 2004 года да сельсавета далучана тэрыторыя скасаваных Зайкаўскага (вёскі Альгова, Вішнёўка, Зайкава, Лёшкава Сяло, Мядзведзева, Палова, Рудакова, Сцяпанавічы) і Хмяльніцкага (вёскі Азёркі, Альхавец, Аляксеева, Баркі, Бярозаўка, Вірок, Двухполле, Забарочча, Зімнік, Карабы, Лыськава, Палавейскае, Савецкая, Свабода, Селязні, Ствалкова, Украішча, Хацейка, Хмяльнік) сельсаветаў і частка скасаванага Газьбенскага сельсавета (вёскі Каверзы і Лялеўшчына)^[6]. 29 верасня 2017 года скасавана вёска Прыбыткава^[7]. 13 верасня 2018 года да сельсавета далучана частка скасаванага Руднянскага сельсавета (9 населеных пунктаў: вёскі Андрэева, Астапкавічы, Баркі, Газьба, Гаці, Лугаўскія, Рэпішча, Халіпы, Шмані)^[8]. 24 верасня 2021 года скасавана вёска Ствалкова^[9].

Насельніцтва сельсавета паводле перапісу 2009 года (46 населеных пунктаў) — 1844 чалавекі^[10], з іх 91,9 % — беларусы, 6,3 % — рускія, 0,9 % — украінцы^[11]; паводле перапісу 2019 года (54 населеныя пункты) — 1529 чалавек^[12].