Мяляхавіцкі сельсавет

Мяля́хавіцкі сельсавет — былая адміністрацыйна-тэрытарыяльная адзінка ў складзе Дзятлаўскага раёна Гродзенскай вобласці. Цэнтр — аграгарадок (да 2009 г. вёска) Белагурна.

Мяляхавіцкі сельсавет
Краіна	Беларусь
Уваходзіць у	Дзятлаўскі раён
Уключае	13 населеных пунктаў
Адміністрацыйны цэнтр	Белагурна
Дата ўтварэння	12 кастрычніка 1940
Дата скасавання	30 сакавіка 2021
Насельніцтва (2019)	380
Часавы пояс	UTC+03:00
Код аўтам. нумароў	4

Гісторыя

Утвораны 12 кастрычніка 1940 года ў складзе Казлоўшчынскага раёна Баранавіцкай вобласці БССР. Цэнтр — вёска Мяляхавічы. З 8 студзеня 1954 года ў Гродзенскай вобласці. 16 ліпеня 1954 года да сельсавета далучана тэрыторыя скасаванага Вішаўскага сельсавета^[1]. 30 жніўня 1957 года ў склад Дзераўноўскага сельсавета перададзена вёска Вішава^[2]. З 20 студзеня 1960 года ў складзе Дзятлаўскага раёна. З 25 снежня 1962 года ў Слонімскім раёне. З 6 студзеня 1965 года ў складзе адноўленага Дзятлаўскага раёна. 26 сакавіка 1966 года ў склад Раготнаўскага сельсавета перададзены 4 населеныя пункты (вёскі Горка, Даўгялавічы, Зарэчча і Студзераўшчына)^[3]. 1 лістапада 1968 года цэнтр сельсавета перанесены ў вёску Белагурна. 30 сакавіка 2021 года сельсавет скасаваны, яго тэрыторыя далучана да Дварэцкага сельсавета^[4].

Склад

У Мяляхавіцкі сельсавет уваходзіла 13 населеных пунктаў:

• Агароднікі — вёска.
• Белагурна — аграгарадок.
• Белалозы — вёска.
• Выгада — хутар.
• Дукрава — вёска.
• Жыхі — вёска.
• Івязянка — вёска.
• Каменка — вёска.
• Мяляхавічы — вёска.
• Харашкі — вёска.
• Цецеравец — вёска.
• Чураі — вёска.
• Ягадная — вёска.

Насельніцтва

Насельніцтва сельсавета паводле перапісу 2009 года складала 571 чалавек^[5], з іх 94,2 % — беларусы, 2,8 % — рускія, 2,6 % — палякі^[6]; паводле перапісу 2019 года — 380 чалавек^[7].