Мяргенцы

Мярге́нцы^[1] (трансліт.: Miarhiency, руск.: Мергенцы), Мяргі́нцы (польск. Miergińce) — вёска ў Лідскім раёне Гродзенскай вобласці. Уваходзіць у склад Дварышчанскага сельсавета.

Вёска Мяргенцы Краіна Беларусь Вобласць Гродзенская Раён Лідскі Сельсавет Дварышчанскі Каардынаты 53°58′42″ пн. ш. 25°25′20″ у. д.HGЯO Насельніцтва ▼39 чал. (2009) Часавы пояс UTC+3 Тэлефонны код +375 154 Паштовыя індэксы 231288 Аўтамабільны код 4 СААТА 4236830081 Мяргенцы Мяргенцы

Мяргенцы на Вікісховішчы

Геаграфія

Знаходзіцца за 16 км на поўнач ад Ліды.

Рэльеф раўнінны. На поўначы і ўсходзе мясцовасць меліяравана. На поўдні вёска мяжуе з лесам.

Транспартныя сувязі па мясцовай дарозе праз в. Дворышча (Лідскі раён) і далей па шашы Ліда—Геранёны.

Гісторыя

У 1861 годзе вёска ў Жырмунскай воласці Лідскага павета Віленскай губерні Расійскай імперыі, уласнасць Вольскага, 42 рэвізскія душы. У 1909 годзе 156 дзесяцін зямлі, 36 коней, 82 галавы буйной рагатай жывёлы.

У 1915 годзе акупавана Германіяй, з 1921 года ў складзе Польшчы, з 1939 года — у БССР. З канца чэрвеня 1941 года да пачатку ліпеня 1944 года пад нямецка-фашысцкай акупацыяй. Да 11 студзеня 1966 года вёска ўваходзіла ў склад Тракельскага сельсавета Воранаўскага раёна^[2].

Насельніцтва

• 1898 год — 180 жыхароў, 22 двары.
• 1909 год — 196 жыхароў, 29 сямей.
• 1921 год — 193 жыхары, 34 двары.
• 1960 год — 200 жыхароў.
• 1991 год — 91 жыхар, 43 гаспадаркі.
• 2004 год — 55 жыхароў, 25 гаспадарак.
• 2012 год — 38 жыхароў, 20 гаспадарак.
• 2015 год — 43 жыхары, 20 гаспадарак.