Мікалай Іванавіч Казека

Мікалай Іванавіч Казека, (нар. 5 красавіка 1950) — беларускі трэнер па фрыстайле, вучні якога заваявалі восем алімпійскіх медалёў. Чэмпіён СССР у скачках на батуце. Заслужаны трэнер Беларускай ССР (1990 года) ^[1]. Поўны кавалер ордэна Айчыны.

Мікалай Казека
Пол	мужчынскі
Поўнае імя	Мікалай Іванавіч Казека
Спецыялізацыя	Скачкі на батуце (спартсмен) Скачкі ў ваду (трэнер) Фрыстайл (трэнер)
Нарадзіўся	5 красавіка 1950(1950-04-05) (75 гадоў) Мінск, Беларуская ССР, СССР
Грамадзянства	СССР →  Беларусь
Узнагароды і медалі Дзяржаўныя ўзнагароды Ордэн Айчыны 1 ступені, Беларусь Ордэн Айчыны 2 ступені, Беларусь Ордэн Айчыны 3 ступені, Беларусь Ордэн Пашаны, Беларусь Медаль «За працоўныя заслугі»

У Вікіпедыі ёсць артыкулы пра іншых людзей з прозвішчам Казека.

Біяграфія

Нарадзіўся ў Мінску ў сям’і настаўніцы малодшых класаў Вольгі Дзмітрыеўны і галоўнага рэдактара Белдзяржвыдата Івана Дарафеевіча Казекі.

У юнацтве займаўся скачкамі на батуце. У 1965 годзе прымаў удзел у першых Усесаюзных спаборніцтвах у гэтым выглядзе спорту, якія праходзілі ў Ерэване. У 1972 годзе стаў чэмпіёнам СССР у скачках на батуце, неаднаразова быў прызёрам краіны.

Пасля заканчэння спартыўнай кар’еры Мікалай Казека спрабаваў сябе на пасадзе трэнера па скачках у ваду. У 1986 годзе стаў старэйшым трэнерам зборнай БССР па фрыстайле, у дысцыпліне «лыжная акрабатыка». З 1993 года — нязменны галоўны трэнер нацыянальнай каманды Беларусі.

18 жніўня 2020 года падпісаў адкрыты ліст прадстаўнікоў спартыўнай галіны з патрабаваннем прызнаць несапраўднымі выбары прэзідэнта Рэспублікі Беларусь^[2]. Пасля гэтага яго пазбавілі прэзідэнцкай стыпендыі, а таксама перасталі браць на зборы нацыянальнай каманды.

Трэнерскія дасягненні

Вучні Мікалая Казекі заваявалі на зімовых Алімпійскіх гульнях восем медалёў рознай вартасці, у тым ліку чатыры залатыя.

Алімпіяда	Спартсмен	Медаль
Нагана-1998	Дзмітрый Дашчынскі	3 ! Бронза
Солт-Лэйк Сіці-2002	Аляксей Грышын	3 ! Бронза
Турыне-2006	Дзмітрый Дашчынскі	2 ! Серабро
Ванкувер-2010	Аляксей Грышын	1 ! Золата
Сочы-2014	Ала Цупер	1 ! Золата
Сочы-2014	Антон Кушнір	1 ! Золата
Пхенчхан-2018	Ганна Гуськова	1 ! Золата
Пекін-2022	Ганна Гуськова	2 ! Серабро

Асабістае жыццё

Жанаты. Сын — Аляксандр, спецыяліст у галіне штучнага інтэлекту, жыве ў Германіі.

Хобі: калекцыяніраванне марак, балет.

Узнагароды

• Найлепшы трэнер 2014 года ў Беларусі.
• Ордэн Айчыны I ступені (2014)
• Ордэн Айчыны II ступені (2006),
• Ордэн Айчыны III ступені (2002) ^[3]
• Ордэн Пашаны (2010) ^[4]
• Медаль «За працоўныя заслугі» (1998) ^[5]

Зноскі

1. Трэнеры Архівавана 28 верасня 2015.
2. «Требуем признать выборы недействительными». Более 900 спортсменов и работников отрасли подписались под открытым письмом с требованиями к власти Архівавана 20 жніўня 2020. (руск.)
3. Указ Прэзідэнта Рэспублікі Беларусь ад 24 мая 2002 г. № 262 «АБ узнагароджаннi групы спартсменаў i трэнераў дзяржаўнымі ўзнагародамі Рэспублікі Беларусь»
4. Указ Прэзідэнта Рэспублікі Беларусь ад 8 верасня 2010 г. № 474 [http: //www.pravo.by/pdf/ 2010-222 / 2010-222 (005-013) .pdf "АБ узнагароджанні дзяржаўнымі ўзнагародамі Рэспублікі Беларусь»]  (бел.). Архівавана з першакрыніцы 14 сакавіка 2012. Праверана 15 студзеня 2012.
5. Указ Прэзідэнта Рэспублікі Беларусь ад 5 чэрвеня 1998 г. № 295 repub / sub22 / texe2671.htm «Аб узнагароджанні групы спартсменаў і трэнераў дзяржаўнымі ўзнагародамі Рэспублікі Беларусь»