Мікалай Валер’евіч Арлоў

Мікалай Валер’евіч Арлоў (нар. 28 студзеня 1971, Віцебск, БССР) — беларускі дзяржаўны дзеяч, старшыня Віцебскага гарадскога выканаўчага камітэта (чэрвень 2021 — 24.09.2023).

Мікалай Валер’евіч Арлоў
старшыня Віцебскага гарадскога выканаўчага камітэта[d] чэрвень 2021 — верасень 2023
Папярэднік	Вадзім Заранкін
Пераемнік	Генадзь Генадзьевіч Сабыніч
старшыня Віцебскага гарадскога Савета дэпутатаў[d]
Нараджэнне	28 студзеня 1971(1971-01-28)[1] (54 гады) Віцебск, Віцебская вобласць, Беларуская ССР, СССР
Адукацыя	Віцебскі дзяржаўны ўніверсітэт імя П. М. Машэрава Віцебскі дзяржаўны тэхналагічны ўніверсітэт Акадэмія кіравання пры Прэзідэнце Рэспублікі Беларусь
Месца працы	БРСМ Віцебскі гарадскі выканаўчы камітэт Адміністрацыя Кастрычніцкага раёна г. Віцебска[d] Адміністрацыя Першамайскага раёна г. Віцебска[d]

У Вікіпедыі ёсць артыкулы пра іншых людзей з прозвішчам Арлоў.

Біяграфія

Пасля заканчэння сярэдняй школы паступіў у Віцебскі педагагічны інстытут імя С. М. Кірава, які скончыў у 1993 годзе па спецыяльнасці «Фізіка і матэматыка». Працаваў у сярэдняй школе № 6 настаўнікам, затым быў прызваны на службу ва Узброеныя Сілы. Пасля заканчэння тэрміновай службы вярнуўся ў сярэднюю школу № 6, працаваў настаўнікам фізікі, намеснікам дырэктара па вучэбна-выхаваўчай рабоце. У 1998 годзе ў гарадскім камітэце Беларускага патрыятычнага саюза моладзі спачатку быў першым сакратаром ГК БПСМ, з 2002 года загадчыкам сектара па справах моладзі Віцебскага гарвыканкама.

У 2003 годзе скончыў Віцебскі дзяржаўны тэхналагічны ўніверсітэт па спецыяльнасці «Эканоміка і кіраванне на прадпрыемстве». У 2005 годзе прыняты на работу спецыялістам аддзела па рабоце органаў мясцовага кіравання і самакіравання ўпраўлення арганізацыйна-кадравай работы аблвыканкама.

У 2005 годзе Мікалай Арлоў назначаны начальнікам аддзела адукацыі адміністрацыі Кастрычніцкага раёна горада Віцебска. Пасля перайшоў на працу памочнікам старшыні аблвыканкама, праз год быў абраны старшынёй гарадскога Савета дэпутатаў, а ў чэрвені 2009 года прызначаны кіраўніком адміністрацыі Першамайскага раёна горада Віцебска, дзе і працаваў да прызначэння на пасаду старшыні Віцебскага гарвыканкама.

У 2011 годзе скончыў Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне».

Зноскі

1. Председатели Витебского горисполкома — Віцебскі гарадскі выканаўчы камітэт. Праверана 15 снежня 2022.

   <a href='https://wikidata.org/wiki/Track:Q82717837'></a>