Мікалай Пракопавіч Мельнікаў

Мікалай Пракопавіч Ме́льнікаў^[1] (20 снежня 1908 — 20 чэрвеня 1982) — вучоны ў галіне будаўнічай механікі і тэорыі формаўтварэння металічных канструкцый, акадэмік Акадэміі навук СССР (1979).

Мікалай Пракопавіч Мельнікаў
Дата нараджэння	7 (20) снежня 1908
Месца нараджэння	Быкі, Гомельскі павет, Магілёўская губерня, Расійская імперыя
Дата смерці	20 чэрвеня 1982(1982-06-20) (73 гады)
Месца смерці	Масква, РСФСР, СССР
Месца пахавання	Новадзявочыя могілкі
Грамадзянства	Расійская імперыя  СССР
Род дзейнасці	навуковец
Альма-матар	Кіеўскі нацыянальны ўніверсітэт будаўніцтва і архітэктуры
Член у	Акадэмія навук СССР
Прэміі
Узнагароды

У Вікіпедыі ёсць артыкулы пра іншых людзей з прозвішчам Мельнікаў.

Біяграфія

Нарадзіўся у вёсцы Быкі (сучасная вёска Знамя ў Добрушскім раёне Гомельскай вобласці Беларусі). У 1934 годзе скончыў Кіеўскі інжынерна-будаўнічы інстытут. З 1933 г. працаваў у інстытуце «Гипростальмост» у Маскве. З 1944 года на пасадах упраўляючага маскоўскім аддзяленнем, галоўнага інжынера, намесніка дырэктара Дзяржаўнай праектнай канторы «Стальканструкцыя». З 1944года М. П. Мельнікаў на пасадзе дырэктара трэста «Праектстальканструкцыя» (сучасны Цэнтральны навукова-даследчы і праектны інстытут металаканструкцый імя М. П. Мельнікава). У 1952 годзе абараніў кандыдацкую дысертацыю, у 1962 годзе — доктарскую. У 1976 годзе быў абраны членам-карэспандэнтам Акадэміі навук СССР.

Памёр М. П. Мельнікаў 20 чэрвеня 1982 г. Пахаваны ў Маскве на Новадзявочых могілках.

Навуковая дзейнасць

М. П. Мельнікаву належаць працы па формаўтварэнню і кампаноўцы металаканструкцый розных галін прамысловасці і гаспадаркі, стальных канструкцый ядзерных рэактараў і метадах іх разліку, шматслойных звышмагутных сферычных пасудзін ціску і інш. Займаўся пытаннямі аўтаматызаванага праектавання металаканструкцый.

Аўтар больш за 130 навуковых прац.

Узнагароды

• Ордэн Леніна
• Ордэн Кастрычніцкай Рэвалюцыі
• 2 ордэны Працоўнага Чырвонага Сцяга
• Ордэн «Знак Пашаны»
• Медалі
• Сталінская прэмія II ступені (1949, 1950)
• Сталінская прэмія III ступені (1950)
• Дзяржаўная прэмія СССР (1969)
• Ленінская прэмія (1975)

Зноскі

1. Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10.