Мікалай Сяргеевіч Калядка

Мікалай Сяргеевіч Каля́дка (нар. 29 чэрвеня 1952, Любань, Мінская вобласць) — беларускі дырыжор. Заслужаны дзеяч мастацтваў Беларусі (1994).

Мікалай Сяргеевіч Калядка
Асноўная інфармацыя
Дата нараджэння	29 чэрвеня 1952(1952-06-29) (73 гады)
Месца нараджэння	Любань, Любанскі раён, Бабруйская вобласць, Беларуская ССР, СССР
Альма-матар	Расійская акадэмія музыкі імя Гнесіных[d] (1975) Літоўская дзяржаўная кансерваторыя (1985)
Месца працы	Дзяржаўны акадэмічны Вялікі тэатр оперы і балета БССР
Музычная дзейнасць
Прафесіі	дырыжор
Узнагароды	Заслужаны дзеяч мастацтваў Рэспублікі Беларусь (1979)

У Вікіпедыі ёсць артыкулы пра іншых людзей з прозвішчам Калядка.

Біяграфія

Скончыў Маскоўскі музычна-педагагічны інстытут імя Гнесіных (1975), Літоўскую кансерваторыю (Вільнюс, 1985, клас Ю. Домаркаса). З 1979 года — дырыжор Нацыянальнага акадэмічнага тэатра оперы і балета Беларусі.

Творчасць

Творчасці М. Калядкі ўласцівы тонкае адчуванне музычных стыляў, рамантычная ўзнёсласць, эмацыянальнасць^[1]. Пад яго музычным кіраўніцтвам пастаўлены балеты «Дон Кіхот» Л. Мінкуса (1979, 1989), «Па-дэ-катр» Ц. Пуні (1981), оперы «Яўген Анегін» П. Чайкоўскага (1986), «Баль-маскарад» Дж. Вердзі (1988), «Медыум» Дж. К. Меноці (1989), «Князь Наваградскі» А. Бандарэнкі (1992), «Воўк і сямёра казлянят» А. Уладзігерава (1984). Дырыжыраваў таксама шматлікімі іншымі операмі.

Узнагароды

• Заслужаны дзеяч мастацтваў Беларускай ССР (1979),
• Медаль Францыска Скарыны (2013)^[2].

Зноскі

1. БелЭн 1998.
2. Указ Прэзідэнта Рэспублікі Беларусь ад 10 верасня 2013 года № 422 «Аб узнагароджанні дзяржаўнымі ўзнагародамі Рэспублікі Беларусь» Архівавана 26 кастрычніка 2021.