Мілевіцкі сельсавет

Міле́віцкі сельсавет — адміністрацыйна-тэрытарыяльная адзінка ў складзе Жыткавіцкага раёна Гомельскай вобласці Беларусі. Адміністрацыйны цэнтр — вёска Мілевічы.

Мілевіцкі сельсавет
Краіна	Беларусь
Уваходзіць у	Жыткавіцкі раён
Уключае	7 населеных пунктаў
Адміністрацыйны цэнтр	Мілевічы
Дата ўтварэння	12 кастрычніка 1940
Насельніцтва (2019)	868
Плошча	341,3 км²
Часавы пояс	UTC+03:00
Код аўтам. нумароў	3
Афіцыйны сайт

Найбуйнейшы па плошчы сельсавет раёна — 341,3 км²^[1].

Гісторыя

Утвораны 12 кастрычніка 1940 года ў складзе Ленінскага раёна Пінскай вобласці БССР. З 8 студзеня 1954 года ў складзе Брэсцкай вобласці. Пасля скасавання Ленінскага раёна 20 студзеня 1960 года сельсавет далучаны да Старобінскага раёна Мінскай вобласці. 11 красавіка 1960 года перададзены ў склад Жыткавіцкага раёна Гомельскай вобласці^[2]. 26 верасня 1968 года ў склад сельсавета з Юркевіцкага сельсавета перададзены вёскі Новыя Залюцічы і Новыя Мілевічы^[3], 26 сакавіка 1987 года — з Ленінскага сельсавета вёскі Іёвічы і Залюцічы^[4]. На 1 студзеня 1974 года ў складзе сельсавета 5 населеных пунктаў^[5].

Насельніцтва

Насельніцтва сельсавета паводле перапісу 2009 года — 1228 чалавек^[6], з іх 98,2 % — беларусы, 0,7 % — рускія^[7]; паводле перапісу 2019 года — 868 чалавек^[8].