Міхал Тышкевіч

У Вікіпедыі ёсць артыкулы пра іншых людзей з прозвішчам Тышкевіч.

Міхал Тышкевіч (1761 — 4 верасня 1839) — ваенны дзеяч Вялікага Княства Літоўскага. Пачынальнік Біржанскай лініі роду Тышкевічаў. Пасля Радзівілаў валодаў Біржанскім маяратам на тэрыторыі сучаснай Літвы.

Міхал Тышкевіч
Міхал Тышкевіч. Невядомы мастак, XIX ст.
Герб «Ляліва»
Нараджэнне	1761
Смерць	4 верасня 1839(1839-09-04) Валожын, Ашмянскі павет, Літоўска-Віленская губерня, Расійская імперыя
Род	Тышкевічы
Бацька	Юзаф Ігнацы Тышкевіч
Маці	Марыя Ганна з Галімскіх[d]
Жонка	Яана з Карпаў[d][1]
Дзеці	Бенедыкт Эмануэль Тышкевіч, Юзаф Тышкевіч[d] і Яана з Тышкевічаў[d][2]
Медыяфайлы на Вікісховішчы

Біяграфія

Паходзіў са шляхецкага роду Тышкевічаў герба «Ляліва», сын Юзафа Ігнацыя і Марыі Ганны з Галімскіх. Успадкаў ад бацькі тытул графа на Лагойску і Бярдзічаве.

Паводле гісторыка Браніслава Гэмбажэўскага^[pl], падчас паўстання 1794 года Міхал Тышкевіч у чыне генерал-маёра камандаваў паўстанцкім атрадам — расонскімі стральцамі.

У расійска-французскую вайну (1812) быў палкоўнікам 17-га літоўскага ўланскага палка, які сфарміраваў сваім коштам^[3].

Пасля вайны набыў Палангу, дзе заснаваў курорт.

Сям’я

У шлюбе з Яаннай Карп, дачкой Бенядзікта Карпа, меў сыноў Яна Канстанціна, Юзафа і Бенедыкта, а таксама дачку Яну.