Міхаіл Веньямінавіч Могілеў

Міхаіл Веньямінавіч Мо́гілеў^[1] (1 чэрвеня 1898 — 14 сакавіка 1967) — вучоны ў галіне акушэрства і гінекалогіі, доктар медыцынскіх навук (1939), прафесар (1946).

Міхаіл Веньямінавіч Могілеў
Дата нараджэння	1 чэрвеня 1898(1898-06-01)
Месца нараджэння	Звянігародка, Звянігародскі павет[d], Кіеўская губерня, Расійская імперыя
Дата смерці	14 сакавіка 1967(1967-03-14) (68 гадоў)
Грамадзянства	Расійская імперыя  СССР
Род дзейнасці	урач
Навуковая сфера	акушэрства і гінекалогія
Месца працы	Дзяржаўны ўніверсітэт медыцыны і фармакалогіі імя Мікалая Тэстэміцану Благавешчанскі медыцынскі інстытут[d] ГрДМУ
Навуковая ступень	доктар медыцынскіх навук (1939)
Навуковае званне	прафесар
Альма-матар	Нацыянальны медыцынскі ўніверсітэт імя Аляксандра Багамольца (1924)

Біяграфія

Нарадзіўся у горадзе Звэныгародка Кіеўскай губерні (сучасны адміністрацыйны цэнтр Звэныгародскага раёна Чаркаскай вобласці Украіны). У 1924 годзе скончыў Кіеўскі медыцынскі інстытут. У 1945—1948 гг. працаваў загадчыкам кафедры акушэрства і гінекалогіі Кішынёўскага медыцынскага інстытута, у 1955—1961 гг. — загадчыкам кафедры акушэрства і гінекалогіі Благавешчанскага медыцынскага інстытута^[2]. З 1964 года на пасадзе загадчыка кафедрай акушэрства і гінекалогіі ў Гродзенскім медыцынскім інстытуце.

Навуковая дзейнасць

Аўтар больш за 50 навуковых прац, у тым ліку 2 манаграфій^[3]. Працы па эварыяльным інкрэце і яго ўзаемадзеянні з ганадатропнымі гармонамі цяжарных. Пад кіраўніцтвам М. В. Могілева абаронены 8 кандыдацкіх дысертацый^[3].

Сярод апублікаваных прац:

• Эстрогенный инкрет яичника и гонотропные гормоны беременных. — Л., 1939.;
• Гигиена женщины. 2 изд. дополненное — Благовещенск: Амурское книжное издательство, 1961.
• Неотложные мероприятия при атонических кровотечениях в послеродовом и раннем послеродовом периодах — Кишинев: Партиздат, 1964. — 27 с.: ил.

Зноскі

1. Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10.
2. История кафедры акушерства и гинекологии ФГБОУ ВО Амурская государственная медицинская академия Архівавана 27 кастрычніка 2019. (руск.)
3. Становление и развитие кафедры акушерства и гинекологии // Гродненский областной перинатальный центр Архівавана 20 верасня 2020. (руск.)