Міхаіл Аляксандравіч Сачкоўскі

Міхаіл Сачкоўскі (нар. 21 лістапада 2002, Пінск) — беларускі футбаліст, паўабаронца клуба «Слуцк» і моладзевай зборнай Беларусі.

Міхаіл Сачкоўскі
Поўнае імя	Міхаіл Аляксандравіч Сачкоўскі
Нарадзіўся	21 лістапада 2002(2002-11-21)[1] (22 гады) Пінск, Брэсцкая вобласць, Беларусь[1]
Грамадзянства	Беларусь
Рост	180 см[2]
Вага	75 кг[1]
Пазіцыя	паўабаронца
Інфармацыя пра клуб
Клуб	Слуцк
Нумар	5
Клубная кар’ера[* 1]
2019— Слуцк 59 (0)
Нацыянальная зборная[* 2]
2022— Беларусь (да 21) 1 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 6 лютага 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 3 кастрычніка 2022

Клубная кар’ера

Выхаванец пінскай СДЮШАР-3, у маладым узросце далучыўся да «Слуцка», дзе выступаў за юнацкія каманды, а ў 2019 годзе пачаў гуляць за дубль, дзе адразу замацаваўся ў складзе. У 2020 годзе стаў прыцягвацца і да асноўнай каманды. Дэбютаваў у асноўным складзе «Слуцка» 29 жніўня 2020 года ў матчы Кубка Беларусі супраць гомельскага «Лакаматыва» (2:0), калі выйшаў на замену ў канцы сустрэчы. 22 лістапада 2020 года ўпершыню згуляў у Вышэйшай лізе, правёўшы на полі ўсе 90 хвілін у матчы з гродзенскім «Нёманам» (0:1). У 2021 годзе стаў часцей з’яўляцца ў стартвым складзе, а ў сезоне 2022 ужо быў рэгулярным іграком асновы. У студзені 2024 года падоўжыў кантракт са «Слуцкам»^[3].

Міжнародная кар’ера

27 верасня 2022 года дэбютаваў у моладзевай зборнай Беларусі, адгуляўшы другі тайм таварыскага матча супраць Казахстана (1:1).

Статыстыка выступленняў

Сезон	Дывізіён	Клуб	Краіна	Матчы	Галы
2019	дубль	Слуцк		28	1
2020	Д1	Слуцк		1	0
2021	Д1	Слуцк		14	0
2022	Д1	Слуцк		26	0
2023	Д1	Слуцк		18	0

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[4].

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля здушэння народных пратэстаў у 2020 годзе^[5][6].