Марат Мікітавіч Гроднікаў

Марат Мікітавіч Гроднікаў (11 студзеня 1948, в. Перагон, Слаўгарадскі раён, Магілёўская вобласць — 29 студзеня 2020^[1]) — беларускі архітэктар.

Марат Мікітавіч Гроднікаў
Дата нараджэння	11 студзеня 1948(1948-01-11)
Месца нараджэння	Перагон, Беларусь
Дата смерці	29 студзеня 2020(2020-01-29) (72 гады)
Месца смерці	Мінск, Беларусь
Альма-матар	Мінскі архітэктурна-будаўнічы тэхнікум (1968) БПІ (1978)
Месца працы	Белпрампраект
Член у	Беларускі саюз архітэктараў
Узнагароды	Ганаровая грамата Савета Міністраў Рэспублікі Беларусь (1999)

У Вікіпедыі ёсць артыкулы пра іншых людзей з прозвішчам Гроднікаў.

Біяграфія

Скончыў у 1968 годзе Мінскі архітэктурна-будаўнічы тэхнікум. З 1968 года працаваў у Слаўгарадскім райвыканкаме^[2], галоўным архітэктарам Круглянскага раёна Магілёўскай вобласці^[3]. У 1978 годзе скончыў Беларускі політэхнічны інстытут. У 1970—2013 гадах у інстытуце Белпрампраект^[2], вядучы архітэктар, з 1986 года галоўны архітэктар праектаў АБА-2. Цяпер працуе ў персанальнай творчай майстэрні^[4].

Член Саюза архітэктараў СССР з 1980 года^[2]. Пражываў у Мінску.

Творчасць

Асноўныя працы: аўтатранспартная гаспадарка Упраўлення справамі Савета Міністраў БССР^[2] па вул. К. Цэткін (1982), зборачная вытворчасць трактарнага завода і корпус № 25 па вул. Куйбышава^[3] завода «Гарызонт»^[4] (1980^[3]), гараж хуткай дапамогі ў Мінску^[2], завод газавай апаратуры ў Навагрудку (1982), філіял трактарнага завода ў Смаргоні^[4] (1986), лядовыя палацы ў Бабруйску, Магілёве^[2], Горках (2012, сааўтар Ю. Даргевіч)^[5], крыты ўсесезонны каток, комплекс «Белаэранавігацыі» па вул. Караткевіча, комплекс пабудоў па вул. Ціміразева^[2], Чыжоўка-Арэна (пабудавана ў 2013 годзе)^[6]  — усе ў Мінску.

У сааўстарстве са скульптарам Уладзімірам Жбанавым удзельнічаў у стварэнні скульптуры «Маленькі хакеіст» каля Бабруйск-Арэны (2008)^[7], скульптурнай кампазіцыі «Пакупнікі» каля ЦУМа (2011)^[8], скульптуры-фантана «Залаты трыліснік» ў Маладзечне (2011)^[9], мемарыяльнага знака «Шчыт Айчыны» (2012), прысвечанага чэкістам, якія загінулі пры выкананні службовага абавязку, каля Інстытута нацыянальнай бяспекі Беларусі ў Мінску^[8].

Узнагароды

Узнагароджаны Ганаровай граматай Савета Міністраў Беларусі (1999)^[2], Ордэнам Пашаны (2016)^[10]. За актыўны ўдзел у праектаванні крытага катка ў Мінску абвешчана Падзяка Прэзідэнта Рэспублікі Беларусь^[2].

Зноскі

1. Памёр галоўны архітэктар «Чыжоўка-Арэны»
2. Гродников Марат Никитович // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
3. Гродников Марат Никитович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
4. Марат Гродников: «Главное — любить, верить и делать…» Архівавана 15 чэрвеня 2019.
5. ТОП-10 ледовых дворцов Беларуси (нявызн.)(недаступная спасылка). Архівавана з першакрыніцы 18 снежня 2017. Праверана 25 чэрвеня 2019.
6. От «летающей тарелки» — к водной стихии. Главный архитектор «Чижовка-Арены» Марат ГРОДНИКОВ рассказывает, что вдохновило его на необычный проект.
7. Бобруйск-Арена, ледовый дворец
8. Тот самый Жбанов. 24.01.2012 (нявызн.)(недаступная спасылка). Архівавана з першакрыніцы 21 кастрычніка 2020. Праверана 25 чэрвеня 2019.
9. В столице «Дожинок» спорят об излишнем эротизме новой скульптуры. 28.07.2011 Архівавана 25 красавіка 2015.
10. Прэзідэнт Беларусі ўручыў ордэн Айчыны III ступені міністру аховы здароўя Прэзідэнт 15.01.2016