Міхаіл Міхайлавіч Зялёнкін

Міхаіл Міхайлавіч Зялёнкін (20 верасня 1920, Рудзенск, Пухавіцкі раён, Мінская вобласць — 24 чэрвеня 1991 Мінск) — Герой Савецкага Саюза, беларускі мастак.

Міхаіл Міхайлавіч Зялёнкін
Дата нараджэння	20 верасня 1920(1920-09-20)
Месца нараджэння	Рудзенск, Цітвянская воласць, Ігуменскі павет, Менская губерня, Беларуская ССР
Дата смерці	14 чэрвеня 1991(1991-06-14) (70 гадоў)
Месца смерці	Мінск, Беларуская ССР, СССР
Месца пахавання	Паўночныя могілкі
Альма-матар	Віцебскае народнае мастацкае вучылішча Краснадарскае вышэйшае ваеннае авіяцыйнае вучылішча лётчыкаў[d] (1941) Беларускі дзяржаўны інстытут народнай гаспадаркі імя В. У. Куйбышава (1954)
Грамадзянства	СССР
Прыналежнасць	СССР
Род войскаў	авіяцыя
Гады службы	1940—1945
Званне	Маёр ВПС СССР
Бітвы/войны	Вялікая Айчынная вайна
Узнагароды і званні	Медаль «У азнаменаванне 100-годдзя з дня нараджэння Уладзіміра Ільіча Леніна» Юбілейны медаль «Сорак гадоў перамогі ў Вялікай Айчыннай вайне 1941—1945 гг.» Медаль «За ўзяцце Берліна» Медаль «Ветэран працы» Медаль «50 гадоў Узброеных Сіл СССР» Медаль «60 гадоў Узброеных Сіл СССР» Медаль «70 гадоў Узброеных Сіл СССР»
Медыяфайлы на Вікісховішчы

Біяграфія

Памятная таблічка на Рудзенскай школе ў гонар Героя Савецкага Саюза Міхаіла Зялёнкіна.

Рудзенск, вуліца Чкалава. Памятная таблічка на доме, дзе жыў Герой Савецкага Саюза Міхаіл Зялёнкін.

Нарадзіўся ў сям’і чыгуначніка. Пасля заканчэння Віцебскага мастацкага вучылішча працаваў у Мінску на фабрыцы «Кастрычнік», там жа вучыўся ў аэраклубе. З 1939 года ў шэрагах Чырвонай Арміі. У 1941 годзе скончыў Батайскую ваенную авіяцыйную школу лётчыкаў. Ваяваў у складзе 156-га авіяпалка на Калінінскім, Заходнім, Волхаўскім, 1-м і 2-м Беларускіх франтах. Свае першыя паветраныя перамогі сяржант М. М. Зялёнкін атрымаў на знішчальніку І-16. З лета 1944 года ваяваў ужо на Як-3.

Да жніўня 1944 года начальнік звяна 156-га знішчальнага авіяцыйнага палка. Здзейсніў 218 баявых вылетаў, збіў асабіста 19 самалётаў і 1 аэрастат.

15 траўня 1946 года за мужнасць і венную доблесць, праяўленыя ў гады Вялікай Айчыннай вайны, лётчыку было прысвоена званне Героя Савецкага Саюза. Узнагароджаны ордэнамі: Леніна, Чырвонага Сцяга, Суворава 3-й ступені, Айчыннай вайны 1-й ступені, Чырвонай Зоркі; медалямі.

У 1954 годзе скончыў Беларускі інстытут народнай гаспадаркі, жыў і працаваў у Мінску. З 1965 года член Саюза мастакоў СССР. Пахаваны на Паўночных могілках у Мінску.