Міхаіл Якаўлевіч Лісоўскі

Міхаіл Якаўлевіч Лісоўскі (17 сакавіка 1931(1931-03-17), Белы Мох, Мсціслаўскі раён — 1 кастрычніка 1970(1970-10-01)) — беларускі жывапісец і графік, педагог.

Міхаіл Якаўлевіч Лісоўскі
Дата нараджэння	17 сакавіка 1931(1931-03-17)
Месца нараджэння	Белы Мох, Падсолтаўскі сельсавет, Мсціслаўскі раён, Беларуская ССР, СССР
Дата смерці	1 кастрычніка 1970(1970-10-01) (39 гадоў)
Род дзейнасці	мастак, педагог
Месца працы	Мінскае мастацкае вучылішча імя А. К. Глебава
Жанр	партрэт, пейзаж, сюжэтна-тэматычная карціна, карыкатура і шарж
Вучоба	Беларускі дзяржаўны тэатральна-мастацкі інстытут (1960) Мінскае мастацкае вучылішча (1952)
Мастацкі кірунак	рэалізм
Член у	Саюз мастакоў БССР
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Лісоўскі.

Біяграфія

Скончыў у 1952 годзе Мінскае мастацкае вучылішча, у 1960 годзе Беларускі тэатральна-мастацкі інстытут. Вучыўся ў Л. Лейтмана, В. Цвіркі, А. Мазалёва. В. Волкава.

Выкладаў у Мінскім мастацкім вычылішчы (1960—1970)^[1].

Удзельнік мастацкіх выставак з 1957 года.

Член Беларускага саюза мастакоў з 1964 года^[1].

Творчасць

Працаваў у жанрах партрэта, бытавым, станковай графіцы. Асноўныя творы ў жывапісе: “Настаўніца” (1960), партрэты беларускіх пісьменнікаў Я.Брыля, Я. Семяжона (1967), Ніла Гілевіча (1968) і інш. Жывапісныя работы вызначаюцца рэалістычнай трактоўкай формы, багаццем каларыту, псіхалагізмам вобразаў.

Аўтар шматлікіх карыкатур на тэмы культурнага жыцця Беларусі, сяброўскіх шаржаў на беларускіх пісьменнікаў, мастакоў, кампазітараў. У 1971 годзе выдадзены асобным альбомам “Няўрокам кажучы”. Малюнкі вылучаюцца дакладнасцю і вастрынёй характарыстык, умелым скарыстаннем гіпербалы як сродкаў сатырычнай тыпазіцыі.

Зноскі

1. Лісоўскі Міхаіл Якаўлевіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.