Назема

Назе́ма (Nosema) — род прасцейшых групы мікраспарыдый.

Назема
Навуковая класіфікацыя
Дамен:  Эўкарыёты Без рангу:  Пратысты Царства:  Прасцейшыя Тып:  Мікраспарыдыі Клас:  Dihaplophasea Атрад:  Dissociodihaplophasida Сямейства:  Nosematidae Род:  Назема
Міжнародная навуковая назва
Nosema Nägeli (1857)
Сістэматыка на Віківідах Выявы на Вікісховішчы ITIS   46195 EOL   47152714

Адрозніваецца каля 120 відаў. Пашыраны ўсюды. Спецыфічныя ўнутрыклетачныя паразіты жывёл (пераважна членістаногіх) і чалавека. Напрыклад, назема пчаліная (Nosema apis) выклікае назематоз дарослых пчол і некаторых чмялёў, паразітуе пераважна ў сярэдняй кішцы і мальпігіевых сасудах насякомых.

Споры даўжынй 3—7 мкм, прадаўгаватыя, з моцнай абалонкай, змяшчаюць двух’ядзерны амёбаладобны зародак і жыгучую капсулу са спіральнай трубчастай ніццю. Пасля заглынання споры гаспадаром зародак трапляе ў клетку кішэчнага эпітэлію і шматразова дзеліцца з утварэннем ланцужкоў аднаядзерных клетак (могуць разносіцца па арганізме з крывёю), потым двух’ядзерных клетах і слор, якія выводзяцца з экскрэментамі.

Літаратура

• Назема // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).