Народна-вызваленчы рух Судана–Поўнач
From Wikipedia, the free encyclopedia
Remove ads
Народна-вызваленчы рух Судана–Поўнач ( араб. حركة الشعبية لتحرير السودان-الشمال) — палітычная партыя і баявая арганізацыя ў Рэспубліцы Судан, якая базуецца ў штатах Блакітны Ніл і Паўднёвы Кардафан. На 2017 год фактычна распалася на дзве варагуючыя фракцыі.
Remove ads
Гісторыя і раскол
Групоўка заснавана асобнымі прадстаўнікамі Народна-вызваленчага руху[1]. Арганізацыя разгарнула ўзброеную барацьбу з цэнтральнай уладай[2]. Баевікі распаўсюдзілі сваю дзейнасць на штаты Блакітны Ніл[3] і Паўднёвы Кардафан[4].
У сярэдзіне 2017 года групоўка раскалолася. Адзін лагер узначаліў Абдэлазіз аль-Хілу, а іншы — Малік Агар. Першы настойваў на стварэнні свецкай дзяржавы і перамовы з урадам аль-Башыра, на што Агар не пагаджаўся[5].
У 2020 годзе, ужо пасля звяржэння Башыра і ўсталяванні новага ўрада, фракцыі Агара і Хілу падпісалі ўсёабдымнае мірнае пагадненне з пераходным урадам. Паводле дамовы, яны абавязаліся ўдзельнічаць у пераходзе да дэмакратыі ў Судане мірнымі сродкамі[6][7].
Remove ads
Падзеі 2023 года
З пачаткам канфлікту 2023 года арганізацыя заклікала да перамоваў і спынення агню, а некаторыя лідары папярэдзілі аб магчымым другім падзеле Судана[8].
Агар падтрымаў генерала Абдэля Бурхана і быў прызначаны намеснікам старшыні Пераходнага суверэннага савета Судана[9].
У сваю чаргу аль-Хіла стаў саюзнікам Сіл аператыўнай падтрымкі[10]. Саюз фракцый быў неафіцыйным[11].
Мэты і ідэалогія
Партыя, як афіцыйна заяўлялася яе прадстаўнікамі, «імкнецца змяніць палітыку цэнтра ў Хартуме і пабудаваць новы цэнтр на карысць усіх суданцаў, незалежна ад іх рэлігіі, полу або этнічнай прыналежнасці»[12].
Гл. таксама
Заўвагі
Спасылкі
Wikiwand - on
Seamless Wikipedia browsing. On steroids.
Remove ads