Нінэль Афінагенаўна Ганчарова

Нінэль Афінагенаўна Ганчарова (нар. 27 верасня 1930, Ветка, Гомельская вобласць, БССР) — беларускі філолаг-раманіст (лацінская мова). Кандыдат філалагічных навук (1974), прафесар (1991).

Нінэль Афінагенаўна Ганчарова
Дата нараджэння	27 верасня 1930(1930-09-27) (94 гады)
Месца нараджэння	Ветка, Веткаўскі раён, Беларуская ССР, СССР
Род дзейнасці	раманіст, лацініст
Месца працы	БДУ
Навуковае званне	прафесар
Альма-матар	Кіеўскі нацыянальны ўніверсітэт імя Тараса Шаўчэнкі

У Вікіпедыі ёсць артыкулы пра іншых людзей з прозвішчам Ганчарова.

Біяграфія

Нарадзілася 27 верасня 1930 года ў горадзе Ветка Гомельскай вобласці БССР. У 1949—1964 гадах навучалася ў Кіеўскім дзяржаўным універсітэце імя Тараса Шаўчэнкі^[1].

З 1958 года працуе ў Беларускім дзяржаўным універсітэце. У 1978—1990 гадах узначальвала кафедру французскай, іспанскай і лацінскай моў БДУ^[1].

У 1974 годзе абараніла кандыдацкую дысертацыю, у 1991 годзе ёй было прысвоена званне прафесара^[1]. Прафесар кафедры раманскіх моў Цэнтра замежных моў БДУ^[2].

Навуковая дзейнасць

Аўтарка каля 300 навукова-метадычных прац. Асаблівай папулярнасцю карыстаюцца^[1]:

• падручнік «Лацінская мова для гуманітарных факультэтаў», які вытрымаў чатыры выданні;
• зборнікі лацінскіх прыказак, прымавак, афарызмаў;
• шасцімоўны слоўнік лацінскіх прыказак, прымавак і крылатых выразаў (выдаваўся двойчы).

У апошнія гады займаецца складаннем і выданнем спецыяльных слоўнікаў лацінскай тэрміналогіі для гісторыкаў і юрыстаў^[1].