Оскар Мілаш

О́скар Мі́лаш герба Любіч (фр.: Oscar Vladislas de Lubicz Milosz, літ.: Oskaras Milašius; 28 мая 1877, мястэчка Чарэя, цяпер вёска ў Чашніцкім раёне Віцебскай вобласці — 2 сакавіка 1939, Фантэнбло, Францыя) — французскі паэт, вучоны-арыенталіст; дзядзька і настаўнік лаўрэата Нобелеўскай прэміі па літаратуры (1980) Чэслава Мілаша.

Оскар Мілаш
Дата нараджэння	28 мая 1877(1877-05-28)[1][2][…]
Месца нараджэння	Чарэя, Сенненскі павет, Магілёўская губерня, Расійская імперыя
Дата смерці	2 сакавіка 1939(1939-03-02)[1][2][…] (61 год)
Месца смерці	Фантэнбло[d], дэпартамент Сена і Марна, рэгіён Іль-дэ-Франс, Метраполія Францыі, Францыя[3]
Месца пахавання	могілкі Фантэнбло[d]
Грамадзянства	Літва  Францыя[4]  Расійская імперыя
Род дзейнасці	паэт, перакладчык, дыпламат, драматург, эсэіст, пісьменнік
Альма-матар	Школа Луўра[d] (1896) ліцэй Жансон-дэ-Саі École nationale des langues orientales vivantes[d] (1899)
Узнагароды
Сайт	milosz.planetaclix.pt/… (парт.)
Творы ў Вікікрыніцах
Медыяфайлы на Вікісховішчы

Біяграфія

Нарадзіўся ў мястэчку Чарэя ў сям’і Уладзіслава дэ Любіч Мілаша, былога афіцэра расійскай арміі, і Марыі Разаліі Разенталь (паходзіла з варшаўскіх яўрэяў).

З 1889 года жыў у Парыжы, навучаўся ў ліцэі Жансон-дэ-Саі, пасля вывучаў асірыйскую мову і іўрыт у Школе ўсходніх моў.

У 1904 годзе, пасля смерці бацькі, вярнуўся ў Чарэю, дзе мусова заняўся вялікай гаспадаркай^[5].

Прадстаўніцтва Літвы ў Францыі. Оскар Мілаш — трэці злева ў ніжнім раду

Пасля Першай сусветнай вайны ў публічных выступах прапагандаваў ідэю стварэння незалежнай літоўскай дзяржавы. У 1925 годзе быў першым прадстаўніком Літвы ў Францыі, у 1925—1938 гадах — дарадцам пасольства Літвы ў Парыжы. У 1931 годзе атрымаў французскае грамадзянства.

Творчасць

Дэбютаваў «Паэмай упадку» («Le Poéme des Décadences») ў 1899 годзе. Акрамя вершаваных твораў, пакінуў драматычныя сачыненні («Мігель Маньяра», «Мефібасет», «Саул з Тарса»), містычныя трактаты-паэмы «Ars Magna» (1924) і «Les Arcanes» (1927), раман «L’Amoureuse Initiation» (1910), выдаў зборнік літоўскіх песняў і казак ва ўласным перакладзе на французскую мову.

Свае творы падпісваў Oscar Vladislas de Lubicz Milosz, O. V. de L. Milosz.

Творы

• Le Poème des Décadences, 1899
• Les Sept Solitudes, 1906
• L’Amoureuse Initiation, roman1910
• Les Éléments, 1911
• Chefs d’œuvre lyriques du Nord, traductions, 1912
• Miguel Mañara. Mystère en six tableaux. 1913
• Mephiboseth, théâtre, 1914
• Saul de Tarse, théâtre, 1914 (non publié)
• Symphonies, Nihumim, 1915
• Épître à Storge, 1917
• Adramandoni, 1918
• La Confession de Lemuel, 1922
• Ars Magna, 1924
• Les Arcanes, 1927
• Les origines ibériques du peuple Juif, 1932
• Les origines de la nation lituanienne, 1936
• Psaume de l’Étoile du matin, 1936
• La Clef de l’Apocalypse, 1938

Поўны збор твораў Оскара Мілаша выдадзены ў 13 тамах у парыжскім выдавецтве Silvaire/du Rocher. Усе паэмы Мілаша абагульненыя ў 2 тамах «Паэзія» (Poésies).

Узнагароды

Узнагароджаны Ордэнам Ганаровага легіёна (1931).