Павел Арсеньевіч Жалезняковіч

Павел Арсеньевіч Жалезняковіч (27 верасня (10 кастрычніка) 1906, вёска Лешня, Слуцкі павет, Мінская губерня, цяпер у Капыльскім раёне — 6 лістапада 1971) — дзеяч рэвалюцыйнага руху ў Заходняй Беларусі.

Павел Арсеньевіч Жалезняковіч
Нараджэнне	10 кастрычніка 1906(1906-10-10) Лешня, Слуцкі павет, Мінская губерня, Расійская імперыя
Смерць	6 лістапада 1971(1971-11-06) (65 гадоў)

Біяграфія

У 1926 годзе арыштаваны польскімі ўладамі і ў 1928 годзе засуджаны на пажыццёвае турэмнае зняволенне. У Вялікую Айчынную вайну з лістапада 1942 года — у партызанах, са жніўня 1943 года — камісар 1-га камсамольскага атрада брыгады «Камсамолец» Баранавіцкай вобласці. У 1944—1968 гадах — старшыня Мірскага райвыканкама, Карэліцкага пасялковага савета, першы сакратар Любчанскага, Карэліцкага РК КПБ. Член Рэвізійнай камісіі КПБ у 1959—1966 гадах. Дэпутат Вярхоўнага Савета БССР другога склікання (1947—1951).

Ушанаванне памяці

У гонар Жалезняковіча названа вуліца ў гарадскім пасёлку Карэлічы.

Літаратура

• Энцыклапедыя гісторыі Беларусі. У 6 т. Т. 3: Гімназіі — Кадэнцыя / Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн. : БелЭн, 1996. — 527 с. — 10 000 экз. — ISBN 985-11-0041-2.