Партызанская брыгада «Камсамолец»

Партызанская брыгада «Камсамолец» — партызанская брыгада, створаная ў снежні 1943 года, на базе атрадаў, вылучаных партызанскай брыгадай імя Г. К. Жукава. Дзейнічала на акупіраванай тэрыторыі Мірскага, Стаўбцоўскага, Карэліцкага раёнаў. 10 ліпеня 1944 года брыгада (588 партызан, 4 атрады) злучылася з Чырвонай Арміяй.

Партызанская брыгада «Камсамолец»
Гады існавання	1943—1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Стаўбцоўскае партызанскае злучэнне
Тып	партызаны
Функцыя	змаганне з акупантамі
Колькасць	588 партызан (10.7.1944)
Дыслакацыя	Мірскі, Стаўбцоўскі, Карэліцкі раёны
Войны	Другая сусветная вайна Вялікая Айчынная вайна
Камандзіры
Вядомыя камандзіры	І. К. Кузняцоў; Р. М. Панявін

Склад

• 1-ы камсамольскі атрад;
• 2-і камсамольскі атрад;
• атрад імя Калініна;
• атрад «Сокал».

Камандаванне

Камандзіры

• І. К. Кузняцоў;
• Р. М. Панявін.

Камісар

• А. І. Дзееў.

Начальнік штаба

• М. Ц. Маскалёў.

Гісторыя

У студзені 1944 года партызаны брыгады на чыгуначных участках Баранавічы — Ліда і Ліда — Маладзечна падарвалі 5 эшалонаў з ваеннымі грузамі, каля вёскі Агароднікі знішчылі мост. Толькі ў красавіку 1944 года зрабілі 11 дыверсій. У Мірскім раёне пашкодзілі 12,5 км тэлефонна-тэлеграфнай лініі. У сакавіку правялі некалькі баёў, разбілі гарнізон у вёсцы Загор’е Мірскага раёна і захапілі 40 вінтовак, разам з партызанскай брыгадай імя Жукава разбілі нямецкі гарнізон у гарадскім пасёлку Мір.

Памяць

У 1979 годзе ў вёсцы Ярэмічы Карэліцкага раёна ў гонар брыгады была пастаўлена стэла.

Зноскі