Падзевічы

Падзе́вічы^[1] (трансліт.: Padzievičy, руск.: Падевичи) — вёска ў Бялыніцкім раёне Магілёўскай вобласці. Уваходзіць у склад Запольскага сельсавета.

Вёска Падзевічы Краіна Беларусь Вобласць Магілёўская Раён Бялыніцкі Сельсавет Запольскі Каардынаты 53°48′10″ пн. ш. 29°37′13″ у. д.HGЯO Насельніцтва ▼37 чал. (2019) Часавы пояс UTC+3 Тэлефонны код +375 2232 Паштовыя індэксы 213179 Аўтамабільны код 6 СААТА 7204815091 Падзевічы Падзевічы Падзевічы

Падзевічы на Вікісховішчы

Гісторыя

Вёска Падзевічы ўпамінаецца ў складзе маёнтка Цехцін бялыніцкіх кармялітаў у другой палове XVIII ст.^[2] Пасля другога падзелу Рэчы Паспалітай апынулася ў Расійскай імперыі.

25 сакавіка 1918 года тэрыторыя абвяшчалася часткай Беларускай Народнай Рэспублікі. 1 студзеня 1919 года ўключана ў склад Беларускай ССР, аднак да пачатку лютага прызнана часткай РСФСР. У сакавіку 1924 года вёска вернута ў склад БССР, з 17 ліпеня 1924 года ў Бялыніцкім раёне Магілёўскай акругі (да 26 ліпеня 1930 года), з 20 лютага 1938 года ў Магілёўскай вобласці.

У Вялікую Айчынную вайну з ліпеня 1941 года да 27 чэрвеня 1944 года акупіравана нямецкімі войскамі. У вёсцы базіраваўся нямецкі апорны пункт, які быў разгромлены сумесна 121-м і 113-м партызанскімі палкамі^[3][4].

Славутасць

• Курган перыяду ранняга сярэднявечча (X–XIII стагоддзі), на паўночны ўсход ад вёскі —  Гісторыка-культурная каштоўнасць Беларусі, шыфр 513В000380шыфр 513В000380.
• Крыж на месцы Свята-Пакроўскай царквы.