Паланечкаўскі сельсавет

Палане́чкаўскі сельсавет — былая адміністрацыйная адзінка ў складзе Баранавіцкага раёна Брэсцкай вобласці. Цэнтр сельсавета — вёска Паланечка.

Паланечкаўскі сельсавет
Краіна	Беларусь
Уваходзіць у	Баранавіцкі раён
Уключае	3 населеныя пункты
Адміністрацыйны цэнтр	Паланечка
Дата ўтварэння	12 кастрычніка 1940, 21 ліпеня 1986
Дата скасавання	14 красавіка 1960, 26 чэрвеня 2013
Насельніцтва (2009)	668
Часавы пояс	UTC+03:00

Гісторыя

Упершыню быў утвораны 12 кастрычніка 1940 года ў складзе Гарадзішчанскага раёна Баранавіцкай вобласці БССР, з 8 студзеня 1954 года ў складзе Брэсцкай вобласці. 16 ліпеня 1954 года да сельсавета далучана тэрыторыя скасаванага Ішкалдзеўскага сельсавета^[1]. 20 мая 1957 года ў склад Галынкаўскага сельсавета перададзена вёска Задзвея^[2]. Сельсавет быў скасаваны 14 красавіка 1960 года, яго тэрыторыя была далучана да Вольнаўскага (4 населеныя пункты: Паланечка, Рэпічы, Серамовічы і Шчарбовічы) і Савіцкага (4 населеныя пункты: Бараціна, Дудзічы, Ішкалдзь і Петкавічы) сельсаветаў^[3].

Быў паўторна ўтвораны 21 ліпеня 1986 года ў складзе Баранавіцкага раёна^[4]. 26 чэрвеня 2013 года сельсавет быў скасаваны, усе населеныя пункты — Паланечка, Рэпічы і Шчарбовічы — былі далучаны да Вольнаўскага сельсавета^[5].

Насельніцтва

Насельніцтва сельсавета паводле перапісу 2009 года складала 668 чалавек^[6], з іх 78,1 % — беларусы, 18,9 % — палякі^[7].