Пала-Альта

Пала-Альта (англ.: і ісп.: Palo Alto, вымаўляецца [ˌpæloʊˈæltoʊ]) — горад у акрузе Санта-Клара, штат Каліфорнія, ЗША. Назва паходзіць ад іспанскіх слоў ісп.: palo: «палка» (або «pole» — «дрэва») і ісп.: alto: «высокі».

Горад Пала-Альта Palo Alto Герб Сцяг[d] Краіна  ЗША Штат Каліфорнія Акруга Санта-Клара Каардынаты 37°25′45″ пн. ш. 122°08′17″ з. д.HGЯO Мэр Пэт Бёрт Заснаваны 1894 Плошча 66.4 км² Вышыня цэнтра 9,1 м Насельніцтва ▲68 572 чал. (1 красавіка 2020)[1] Часавы пояс UTC-8, летам UTC-7 Тэлефонны код 650 Паштовыя індэксы 94301, 94303, 94306 Афіцыйны сайт cityofpaloalto.org (англ.) Пала-Альта на карце ЗША ±

Медыяфайлы на Вікісховішчы

Пала-Альта з’яўляецца гістарычным цэнтрам амерыканскай Крэмніевай даліны. Часам яго называюць неафіцыйнай сталіцай даліны. Да Пала-Альта прылягае кампус Стэнфардскага ўніверсітэта, які лічыцца самастойнай адміністрацыйнай тэрыторыяй.

Пала-Альта з’яўляецца месцам нараджэння і штаб-кватэрай шматлікіх знакамітых кампаній, у тым ліку Hewlett-Packard, Xerox, Apple, Facebook, VMware і Tesla Motors. Тут знаходзіцца акадэмічнае выдавецтва Annual Reviews.

Каля дома 218 па вуліцы Чэнінг размешчаны памятны знак: там знаходзілася лабараторыя Федэральнай Тэлеграфнай Кампаніі, у якой працаваў знакаміты амерыканскі інжынер Лі дэ Форэст — вынаходнік трыёда (электроннай вакуумнай лямпы, якая выкарыстоўваецца як узмацняльнік сігналу).

Гарады-пабрацімы

Пала Альта мае шэсць гарадоў-пабрацімаў^[2]:

• Альбі, Францыя
• Лінчэпінг, Швецыя
• Аахака, Мексіка
• Пала, Філіпіны
• Энсхедэ, Нідэрланды
• Цутыўра, Японія

Вядомыя асобы

• Джэймс Франка (нар. 1978) — амерыканскі акцёр, рэжысёр, сцэнарыст, прадзюсар, мастак.

Зноскі

1. 2020 United States Census / пад рэд. Бюро перапісу насельніцтва ЗША Праверана 1 студзеня 2022.

   <a href='https://wikidata.org/wiki/Track:Q637413'></a><a href='https://wikidata.org/wiki/Track:Q23766566'></a>
2. Celebrating the Sister Cities of Palo Alto(недаступная спасылка). Palo Alto Online News, 6 сакавіка 2012 года.