Паплавок шэры

Таўкачык^[1], паплавок шэры (Amanita vaginata) — базідыяльны шапкавы грыб роду Мухамор (Amanita) сямейства Мухаморавыя (Amanitaceae).

Паплавок шэры
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Мухаморавыя Род:  Мухамор Від:  Паплавок шэры
Міжнародная навуковая назва
Amanita vaginata (Bull.) Lam., 1783
Сінонімы
Agaricus vaginatus Bull. Amanitopsis vaginata (Bull.) Roze Vaginata livida Gray
Сістэматыка на Віківідах Выявы на Вікісховішчы NCBI   67736 EOL   6691294 MB   114685

У паняцця ёсць і іншыя значэнні, гл. Таўкачык.

Народныя назвы

Вужовік шэры, таўкачык, грыб воўчы, грыб сабачы, грыб вужачы, грыб жабечы, грыб мышыны, вужоўка^[2].

Батанічнае апісанне

Батанічная ілюстрацыя з кнігі Яна Копса «Flora Batava», 1800—1934

Пладовае цела грыба — шапка на ножцы. Дыяметр шапкі складае 3—8^[1] см. Шапка грыба гладкая, шэрая або шаравата-бураватая, часам з белымі шматкамі, спачатку шыроказваночкавай формы, затым становіцца амаль пляскатай з невялікім бугарком. Край шапкі прамы, рубчасты. Мякаць тонкая, мяккая, белая, без асаблівага паху, прыемная на смак. Пласцінкі свабодныя, частыя, шырокія, белага колеру. Ножка грыба 6—12^[1] см у даўжыню і 1—2^[1] см у дыяметры, булавападобнай формы, полая, белага колеру, гладкая. Каля асновы ножкі маецца шырокая, свабодная, белаватая похва падобнай на мяшок формы. Споры круглыя, гладкія, бясколерныя.

Распаўсюджанне і экалогія

Грыб сустракаецца пераважна ў хваёвых лясах^[1] амаль паўсюдна. Пладовыя целы з’яўляюцца паасобку або групамі ў ліпені—верасні.

Малавядомы ядомы грыб.

Зноскі

1. Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 106. — 192 с. — 60 000 экз.
2. Грыбы і грыбная кулінарыя : папулярны энцыклапедычны даведнік / Галіна Сяржаніна, Іван Яшкін. — Мінск : Беларуская асацыяцыя кулінараў, 2005. — 387с., [24] л. каляр. іл. ; 24 см. — На вокладцы аўтары не паказаны. — Бібліяграфія: с. 343—350. — Алфавітныя паказчыкі: с. 351—385. — 1000 экз. — ISBN 985-6081-34-3.