Партызанская брыгада «Смерць фашызму»

Партызанская брыгада «Смерць фашызму» — партызанская брыгада, створаная ў ліпені 1943 года на базе атрада «Смерць фашызму», арганізаванага ў чэрвені 1942 года. Дзейнічала на акупіраванай тэрыторыі Смалявіцкага, Барысаўскага, Лагойскага, Плешчаніцкага раёнаў. 2 ліпеня 1944 года брыгада (706 партызан, 4 атрады) злучылася з Чырвонай Арміяй.

Партызанская брыгада «Смерць фашызму»
Гады існавання	1943—1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Партызанскае злучэнне Барысаўска-Бягомльскай зоны
Тып	партызаны
Функцыя	змаганне з акупантамі
Колькасць	706 партызан (4 атрады)
Дыслакацыя	Смалявіцкі, Барысаўскі, Лагойскі, Плешчаніцкі раёны
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	В. Ф. Таруноў

Склад

• атрад імя Будзённага;
• атрад імя Кутузава;
• атрад імя Чкалава;
• атрад імя Варашылава.

Камандаванне

Камандзір

• В. Ф. Таруноў

Камісар

• І. П. Дзядзюля

Начальнік штаба

• А. А. Кіслякоў

Гісторыя

Партызаны рабілі дыверсіі на чыгунцы і шашы Мінск — Смалявічы — Барысаў, узарвалі і спалілі 55 мастоў, 4 склады. У ноч на 26 верасня 1943 года падарвалі 470 рэек, разбурылі 1,5 км чыгункі. Неаднаразова пашкоджвалі падземны кабель, які злучаў стаўку Гітлера з Усходнім фронтам. У красавіку—чэрвені 1943, красавіку—чэрвені 1944 гадоў вялі баі з карнікамі. У ліпені 1944 года ўдзельнічалі ў ліквідацыі групоўкі нямецкіх войск у Смалявіцкім раёне.

Памяць

У 1967 годзе ў вёсцы Юр’ева Смалявіцкага раёна ў гонар брыгады быў пастаўлены помнік.

Зноскі