Парэчча (Пінскі раён)

У паняцця ёсць і іншыя значэнні, гл. Парэчча.

Парэ́чча^[1] (трансліт.: Parečča, руск.: Поречье) — вёска ў Пінскім раёне Брэсцкай вобласці. Уваходзіць у склад Парэцкага сельсавета. Размешчана за 13 км ад аўтадарогі Івацэвічы — Пінск — Столін і за 30 км ад горада Пінска на беразе ракі Ясельда.

Вёска Парэчча Герб Краіна Беларусь Вобласць Брэсцкая Раён Пінскі Сельсавет Парэцкі Каардынаты 52°16′50″ пн. ш. 25°49′10″ у. д.HGЯO Першая згадка 1495 Насельніцтва ▼448 чал. (2019) Часавы пояс UTC+3 Тэлефонны код +375 165 Паштовыя індэксы 225755 Аўтамабільны код 1 СААТА 1254889071 Парэчча Парэчча

Парэчча на Вікісховішчы

Гісторыя

Першае згадванне паселішча ў 1495 годзе, калі пінская князёўна Марыя даруе два дворышчы Мацвею Грычыне. Маёнткі ў спадчыну атрымлівае сын Барыс і яго нашчадкі Войны-Грычыны. На пачатку XVII стагоддзя ўласнікамі з’яўляюцца Цярлецкія. Пазней Парэчча пераходзіць да Агінскіх, пазней — да Скірмунтаў.

У 1830-я гады Аляксандр Ізідар Скірмунт засноўвае прамысловыя вытворчасці. Пазней маёнтак пераходзіць яго сыну Аляксандру Аляксандравічу, пасля — унуку Раману Аляксандравічу. Скірмунты быў пабудаваны сядзібны дом, які не захаваўся да нашых часоў, заснаваны парк;

У розныя гады функцыянавалі цукровы завод (які лічыўся лепшым сярод бурачнацукровых заводаў Мінскай губерні), суконная фабрыка (1836—1916)^[2], варсільная плантацыя і бровар. Скірмунтамі збудаваны (1907, не захаваўся) касцёл Сэрца Ісуса і праваслаўны храм.

У складзе Польскай Рэспублікі з 1921 года, з’яўляецца цэнтрам гміны.

З 1939 года ў БССР. У час гітлераўскай акупацыі ў сакавіку 1944 года знішчана 20 двароў, забіта 20 жыхароў.

З 1915 па 1960-я гады праз Парэчча праходзіла вузкакалейная чыгунка Івацэвічы—Камень-Кашырскі. Меўся разваротны трохвугольнік.

У Парэцкай СШ вучылася 9—10 класы Яўгенія Янішчыц (1948—1988), беларуская паэтэса і перакладчыца. Рашэннем райвыканкама школе прысвоена імя Яўгеніі Янішчыц.

Насельніцтва

• 1998 год — 690 чал., 298 гаспадарак.

Славутасці

Памятны знак Раману Скірманту ў в. Парэчча

• Царква Раства Багародзіцы (1912) —  Гісторыка-культурная каштоўнасць Беларусі, шыфр 112Г000579шыфр 112Г000579;
• Брацкая магіла савецкіх воінаў і партызан;
• Воінскія могілкі часоў Першай сусветнай вайны, магілы польскіх і нямецкіх салдат;
• Абарончыя збудаванні Першай сусветнай вайны;
• Сядзіба Скірмунтаў:
  • Парк «Парэчча» (1910) —  Гісторыка-культурная каштоўнасць Беларусі, шыфр 112Г000575шыфр 112Г000575;
  • Цукровы завод;
• Магіла Рамана Скірмунта.

Вядомыя асобы

• Надзея Паўлаўна Нікіціна (нар. 1970) — беларускі палітык.