Першамайская вуліца (Мінск)

У паняцця ёсць і іншыя значэнні, гл. Першамайская вуліца.

Першамайская вуліца — вуліца ў Ленінскім і Партызанскім раёнах Мінска, частка другога траспартнага кольца сталіцы. Перасякае раку Свіслач.

Першамайская вуліца Мінск
Агульная інфармацыя
Краіна	Беларусь
Горад	Мінск
Раён	Ленінскі, Партызанскі
Працягласць	1,2 ± 0,1 км
Найбліжэйшыя станцыі метро	Купалаўская Кастрычніцкая Плошча Перамогі
Ранейшыя назвы	Вясёлая
Паштовы індэкс	220030, 220034, 220088[1]
Код вуліцы	633[2]
на Яндэкс.Картах
на Картах Google
Медыяфайлы на Вікісховішчы

Праходзіць паралельна праспекту Незалежнасці. Перасякае вуліцы: Чырвонаармейскую, Захарава.

Першамайская вуліца

Да вуліцы прылягаюць Цэнтральны дзіцячы парк імя Максіма Горкага і сквер Сімона Балівара. Па вуліцы арганізаваны трамвайны рух. Уваходзіць у лік найдаражэйшых жылых вуліц Мінска.

Гісторыя

На карце Мінска 1858 года вуліца была ўжо пазначана і праходзіла па паўднёва-усходняй мяжы горада.^[3] Гістарычная назва вуліцы — Вясёлая.^[4] Недалёка ад вуліцы знаходзіліся вайсковыя казармы, склады, шпіталь. Існуе меркаванне, што сваю назву вуліца атрымала з-за вялікай колькасці піцейных дамоў і вайскоўцаў, якія вясёла бавілі тут час з жанчынамі лёгкіх паводзін.^[5]

Пасля рэвалюцыі ў 1923 годзе^[6] вуліца атрымала назву Першамайскай. У спадарожніку па Мінску (1930 г.)^[7] і на гарадской карце 1934 года^[8] вуліца ўжо пазначана з новай назвай.

У час нацысцкай акупацыі Першамайская была сярод нешматлікіх вуліцаў, якія захавалі сваю назву.^[9]

У сучаснай гарадской гісторыі вуліца найбольш гучна ўзгадвалася ў 1999 годзе, калі тут на перакрыжаванні з вуліцай Пуліхава 17 кастрычніка адбылася жорсткая сутычка паміж удзельнікамі «Маршу свабоды» і міліцыяй,^[10] а таксама ўвесну 2013 года, калі жыхары раёна дамагліся скасавання плана будаўніцтва на набярэжнай Свіслачы ля скрыжавання з вуліцай Пуліхава шматфункцыянальнага культурна-забаўляльнага цэнтра «Park Avenue»^[11].

Забудова

Забудова вуліцы незвычайная ў тым сэнсе, што дамы з няцотнымі нумарамі размешчаныя толькі на другой палове вуліцы, на адлегласці ў паўкіламетра ад яе пачатку. Таксама цікавай асаблівасцю вуліцы з’яўляецца тое, што незвычайна вялікая колькасць будынкаў на ёй пабудаваныя ў гады, якія заканчваюцца на «8».^[12]

• № 24 корпус 1 — жылы дом з крамай «Трыкатаж» (архітэктар Э. Святлова)^[13].

Далягляды вуліцы

• 
  Від на паўночны ўсход ад перакрыжавання вуліцы з Чырвонаармейскай
• 
  Від поўдзень ад перакрыжавання вуліцы з вуліцай Янкі Купалы
• 
  Від на мост цераз раку Свіслач з боку парку імя Горкага
• 
  Від на паўночны захад на раку Свіслач з масту па вуліцы Першамайскай
• 
  Від на паўднёвы захад ад перакрыжавання вуліцы з вуліцай Фрунзэ

Зноскі

1. Паштовыя аддзяленні па вуліцы Першамайскай (нявызн.). Белпошта. Праверана 1 лістапада 2013.(недаступная спасылка)
2. Даведнік вуліц па г.Мінску на 28.03.2012.
3. Старая карта Мінска —1858 г. (нявызн.)(недаступная спасылка). karty.by (1 лістапада 2013). Архівавана з першакрыніцы 5 сакавіка 2016. Праверана 28 чэрвеня 2018.
4. Тапанімія вуліц і плошчаў Мінска ў ХІХ — пачатку ХХ стагоддзя (нявызн.)(недаступная спасылка). Беларускі калегіюм (16 жніўня 2013). Архівавана з першакрыніцы 12 красавіка 2012. Праверана 28 чэрвеня 2018.
5. Мінск пачатку 20 стагоддзя. Франты і «матылькі» начнога горада. (нявызн.)(недаступная спасылка). Tut.by (1 лістапада 2013). Архівавана з першакрыніцы 6 жніўня 2020. Праверана 28 чэрвеня 2018.
6. «Вся Белоруссия». Адресно-справочная книга и календарь на 1923 г. «Белтрестпечать». Минск. 1923 г. C. 176.
7. Спадарожнік па Мінску 1930 г. (нявызн.)(недаступная спасылка). pravapis.org (16 жніўня 2013). Архівавана з першакрыніцы 27 чэрвеня 2017. Праверана 28 чэрвеня 2018.
8. План Мінска 1934 г. (нявызн.). karty.by (14 жніўня 2012).(недаступная спасылка)
9. Карта Мінска (час акупацыі 1941-1944 г.) (нявызн.)(недаступная спасылка). http://wwii-photos-maps.com+(1 лістапада 2013). Архівавана з першакрыніцы 20 ліпеня 2018. Праверана 28 чэрвеня 2018.
10. Мінск, вуліца Першамайская, 18. «Марш свабоды» (нявызн.). Радыё Свабода (18 снежня 2009). Праверана 1 лістапада 2012.
11. .Жыхары вуліцы Пуліхава адстаялі набярэжную Свіслачы (нявызн.). Наша Ніва (7 мая 2013). Праверана 16 жніўня 2013.
12. 1918 г. — дамы 2 і 4; 1948 г. — дамы 6, 6а, 8, 8а, 10; 1958 г. — дом 20; 1978 г. — дом 20/2.
13. Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)