Першамайскі (Буда-Кашалёўскі раён)

У гэтага тапоніма ёсць і іншыя значэнні, гл. Першамайскі.

Першама́йскі^[1] (трансліт.: Pieršamajski, руск.: Першемайский) — пасёлак у Буда-Кашалёўскім раёне Гомельскай вобласці. Уваходзіць у склад Ліпініцкага сельсавета.

Пасёлак Першамайскі Краіна Беларусь Вобласць Гомельская Раён Буда-Кашалёўскі Сельсавет Ліпініцкі Каардынаты 52°50′27″ пн. ш. 30°32′37″ у. д.HGЯO Першая згадка XX стагоддзе Колькасць двароў 13 Насельніцтва 29 чалавек (2004) Часавы пояс UTC+3 Тэлефонны код +375 2336 Аўтамабільны код 3 Першамайскі Першамайскі

Першамайскі на Вікісховішчы

Геаграфія

Размяшчэнне

У 14 км на поўнач ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 62 км ад Гомеля.

Транспартная сетка

Транспартныя сувязі па прасёлкавай, затым аўтамабільнай дарозе Чачэрск — Буда-Кашалёва. Планіроўка складаецца з кароткай просталінейнай мерыдыянальнай вуліцы, забудаванай драўлянымі дамамі сядзібнага тыпу.

Гісторыя

Заснаваны напачатку XX стагоддзя перасяленцамі з суседніх вёсак. У 1925 годзе ў Ліпініцкім сельсавеце Буда-Кашалёўскага раёна Бабруйскай акругі. У 1929 годзе жыхары пасёлка ўступілі ў калгас. Падчас Вялікай Айчыннай вайны ў мястэчку і наваколлях базіраваўся партызанскі атрад № 108 імя Г. І. Катоўскага. Вызвалены ад акупантаў 2 снежня 1943 года. У 1959 годзе ў складзе калгаса «Світанак» (цэнтр — вёска Ліпінічы).

Насельніцтва

Колькасць

• 2004 год — 13 гаспадарак, 29 жыхароў.

Дынаміка

• 1925 год — 16 двароў.
• 1959 год — 117 жыхароў (паводле перапісу).
• 2004 год — 13 гаспадарак, 29 жыхароў.

Зноскі

1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).