Плехаўшчына

Плехаўшчы́на^[2] (трансліт.: Pliechaŭščyna, руск.: Плеховщина) — вёска ў Бярозаўскім раёне Брэсцкай вобласці. Уваходзіць у склад Сялецкага сельсавета. Размешчана за 14 км ад Бярозы, за 8 км ад чыгуначнай станцыі Бяроза-Картузская.

Вёска Плехаўшчына Краіна Беларусь Вобласць Брэсцкая Раён Бярозаўскі Сельсавет Сялецкі Каардынаты 52°33′48″ пн. ш. 24°49′08″ у. д.HGЯO Насельніцтва ▼134 чал. (2009)[1] Часавы пояс UTC+3 Тэлефонны код +375 1643 Аўтамабільны код 1 Плехаўшчына Плехаўшчына

Гісторыя

У 1864 годзе ў Сашыцкай воласці Пружанскага павета Гродзенскай губерні. Паводле перапісу 1897 года ў Сялецкай воласці, дзейнічалі хлебазапасны магазін і піцейны дом.

З 1915 года акупіравана германскімі войскамі, з 1919 да ліпеня 1920 года і з жніўня 1920 года — войскамі Польшчы (у ліпені 1920 устаноўлена савецкая ўлада. З 1921 года — ў складзе Польшчы, у 1924 годзе вёска (пад назвай Плехаўшчызна) у Сялецкай гміне Пружанскага павета Палескага ваяводства.

З 1939 года ў БССР, у 1940 годзе вёска спачатку ў Сялецкім, з 23 чэрвеня 1940 года ў Нарутавіцкім сельсавеце. У 1941—1944 гг. акупіравана нямецка-фашысцкімі захопнікамі. Акупанты загубілі 10 жыхароў вёскі.

З 1954 года ў Блудзенскім сельсавеце. З 1964 года ў Асавецкім сельсавеце^[3] (21 лістапада 1977 сельсавет перайменаваны ў Нарутавіцкі). Паводле перапісу 1970 года — у калгасе «Кастрычнік».

Да 17 верасня 2013 года вёска ўваходзіла ў склад Нарутавіцкага сельсавета^[4].

Планіроўка

Планіровачна складаецца з крыху выгнутай вуліцы, арыентаванай з паўночнага ўсходу на поўдзень, паралельна якой (у цэнтральнай частцы, з заходняга боку) праходзіць яшчэ адна больш кароткая вуліца.

Насельніцтва

• XIX стагоддзе:
  • 1897 — 101 двор, 662 жыхары.
• XX стагоддзе:
  • 1905 — 710 жыхароў.
  • 1924 — 27 будынкаў, 123 жыхары.
  • 1940 — 107 двароў, 556 жыхароў.
  • 1959 — 12 гаспадарак, 43 жыхары.
  • 1970 — 322 жыхары.
• XXI стагоддзе:
  • 2005 — 68 двароў, 144 жыхары.

Вядомыя асобы

• Уладзімір Васільевіч Здановіч (нар. 1956) — беларускі гісторык
• Аляксандр Мікалаевіч Зінчанка (нар. 1947) — беларускі палітык

Зноскі

1. http://pop-stat.mashke.org/belarus-census-2009/bresckaja.htm
2. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
3. Рашэнне выканкома Брэсцкага абласнога (сельскага) Савета дэпутатаў працоўных ад 14 красавіка 1964 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 21 (1061).
4. Решение Брестского областного совета депутатов № 305 от 17 сентября 2013 г. «Об изменениях в административно-территориальном устройстве Берёзовского, Ивацевичского, Малоритского, Пинского районов Брестской области» Архівавана 1 лютага 2014. (руск.)