Прастаганіміды

Прастаганіміды^[1] (Prosthogonimidae) — сямейства смактуноў. У сусветнай фаўне налічваецца каля 30 відаў.

Прастаганіміды
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Platyzoa Тып:  Плоскія чэрві Клас:  Смактуны Падклас:  Дыгенетычныя смактуны Атрад:  Plagiorchiida Падатрад:  Plagiorchiata Сямейства:  Прастаганіміды
Міжнародная навуковая назва
Prosthogonimidae
Пошук выяў на Вікісховішчы ITIS   56426 NCBI   99707 EOL   3013

Распаўсюджанне

Пашыраны ў краінах Паўночнай і Паўднёвай Амерыкі, Афрыкі, Аўстраліі, Еўразіі^[1].

Апісанне

Цела даўжынёй 2 — 7, шырынёй 0,8 — 3,9 мм, грушападобнай формы^[1]. Ротавая прысоска меншая за брушную. Гермафрадыты^[1]. Яечнік размешчаны ўперадзе семеннікоў, матка — у задняй палове цела, мужчынская і жаночая полавыя адтуліны побач або асобна каля ротавай прысоскі. Яйцы дробныя (0,022 — 0,016 мм), шматлікія^[1].

Жыццёвы цыкл

Дарослыя асобіны гэтых паразітаў сустракаюцца ў фабрыцыевай сумцы  (руск.), сляпой кішцы, клаацы, печані, яйцаводзе і часам нават пад мігацельнай абалонкай пазваночных і асабліва птушак. Развіццё з 2 прамежкавымі гаспадарамі: прэснаводнымі малюскамі  (англ.), дарослымі стракозамі або іх лічынкамі^[1].

Таксанамія

Сямейства з’яўляюцца часткай вялікагападатраду Xiphidiata у атрадзе Plagiorchiida.

Выбраныя роды

• Cephalotrema
• Mediogonimus Woodhead & Malewitz, 1936
• Ophthalmogonimus
• Prosthogonimus Lühe, 1899
• Schistogonimus Lühe, 1909 у цяперашні час лічыцца малодшым сінонімам роду Prosthogonimus Lühe, 1899

Значэнне

Узбуджальнікі прастаганімозу^[1].