Пружанскі павет (1921—1940)

Пружа́нскі павет (польск.: Powiat prużański) — адміністрацыйна-тэрытарыяльная адзінка Палескага ваяводства Польскай Рэспублікі. Адміністрацыйны цэнтр — мястэчка Пружаны.

Пружанскі павет
Краіна	Польская Рэспубліка
Уваходзіць у	Палескае ваяводства (1921—1939) Брэсцкая вобласць (1939—1940)
Адміністрацыйны цэнтр	Пружаны
Дата ўтварэння	1 сакавіка 1921
Дата скасавання	15 студзеня 1940
Насельніцтва	108 600 чал.
Плошча	2 644 км²

У паняцця ёсць і іншыя значэнні, гл. Пружанскі павет.

Гісторыя

Былы павет Гродзенскай губерні Расійскай імперыі. З лютага 1919 года акупаваны польскімі войскамі. У 1919—1920 у складзе Брэсцкай акругі Цывільнага кіраўніцтва ўсходніх земляў пад польскай адміністрацыяй.

12 снежня 1920 года гміны Белавежа, Масева і Сухопаль перададзены ў склад навастворанага Белавежскага павета^[1].

Паводле Рыжскага мірнага дагавора ў складзе Заходняй Беларусі адышоў да Польшчы. Утвораны 1 сакавіка 1921 года. Пасля ўз’яднання Заходняй Беларусі з БССР Пружанскі павет 4 снежня 1939 года ўвайшоў у склад Брэсцкай вобласці. 15 студзеня 1940 года скасаваны, на яго тэрыторыі ўтвораны Пружанскі і іншыя раёны.

Складаўся з 17 вясковых гмін (8 у 1939) і 3 мястэчкаў. Агульная плошча павета — 2644 км², насельніцтва — 108 600 чалавек^[2], шчыльнасць — 41 чал. на км².

Адміністрацыйны падзел

Гміны

• гміна Байкі (да 1926)^[3]
• гміна Бяроза-Картузская (да 1932)^[4]
• гміна Дабучын (да 1926)^[3]
• гміна Гарадзечна^[5]
• гміна Котра (да 1932)^[6]
• гміна Лінава (да 1932)^[7]
• гміна Малеч
• гміна Мацвеевічы (да 1926)^[8].
• гміна Мацясы (да 1925)^[9]
• гміна Міжлессе (1926—1932)^[10]
• гміна Мікіцічы (да 1926)^[3]
• гміна Носкі (да 1926)^[3]
• гміна Пружаны (c 1926)^[11]
• гміна Равяцічы (да 1932)^[12]
• гміна Руднікі (цэнтр: Харава, Руднікі)
• гміна Сігневічы^[13].
• гміна Сялец
• гміна Сухопаль (c 1926)^[14]
• гміна Чарнякава (да 1926)^[3]
• гміна Шані (да 1926)^[15]
• гміна Шарашова^[16]

Гарады

• Пружаны (пазней пазбаўлены статусу горада)
• Бяроза Картузская (пазней пазбаўлены статусу горада)
• Шарашова (да 1934)^[17]

Зноскі

1. Dz. Urz. ZTPiE z 1920 r. Nr 5, poz. 43
2. Паводле даных перапісу 1931 года.
3. Ліквідавана 22 студзеня 1926. (Dz. U. z 1926 r. Nr 7, poz. 46)
4. 1 красавіка 1932 ліквідавана, тэрыторыі ўвайшлі ў склад гмін: Сяхновічы, Малеч і Сялец. (Dz. U. z 1932 r. Nr 17, poz. 109)
5. 12 красавіка 1928 далучана частка ліквідаванай гміны Дворцы Брэсцкага павета. (Dz. U. z 1928 r. Nr 45, poz. 427).
6. 1 красавіка 1932 ліквідавана, тэрыторыі ўвайшлі ў склад гмін: Руднікі, Сухопаль і Шарашова. (Dz. U. z 1932 r. Nr 17, poz. 109)
7. 1 красавіка 1932 ліквідавана, тэрыторыі ўвайшлі ў склад гмін: Малеч, Пружаны і Шарашова. (Dz. U. z 1932 r. Nr 17, poz. 109)
8. 22 студзеня 1926 пераназвана ў гміну Міжлессе (Dz. U. z 1926 r. Nr 7, poz. 46)
9. 1 студзеня 1926 увайшла ў склад Кобрынскага павета. (Dz. U. z 1925 r. Nr 90, poz. 635)
10. 22 студзеня 1926 гміна Мацвеевічы пераназвана ў Міжлессе. (Dz. U. z 1926 r. Nr 7, poz. 46); 1 красавіка 1932 ліквідавана, тэрыторыі ўвайшлі ў склад гміны Сяхновічы. (Dz. U. z 1932 r. Nr 17, poz. 109)
11. Створана 22 студзеня 1926. (Dz. U. z 1926 r. Nr 7, poz. 46)
12. 1 красавіка 1932 ліквідавана, тэрыторыі ўвайшлі ў склад гмін: Сяхновічы і Малеч. (Dz. U. z 1932 r. Nr 17, poz. 109)
13. Створана 1 красавіка 1932 з тэрыторый ліквідаванай гміны Міжлессе(Dz. U. z 1932 r. Nr 17, poz. 109)
14. Далучана 26 ліпеня 1926 з Бельскага павета Беластоцкага ваяводства. (Dz. U. z 1926 r. Nr 72, poz. 415)
15. Ліквідавана 22 студзеня 1926. (Dz. U. z 1926 r. Nr 7, poz. 46 Архівавана 21 снежня 2016.)
16. 12 красавіка 1928 далучана частка тэрыторыі ліквідаванай гміны Дворцы Брэсцкага павета. (Dz. U. z 1928 r. Nr 45, poz. 427 Архівавана 23 верасня 2016.)
17. Статус горада сняць 1 красавіка 1934 (Dz. U. z 1934 r. Nr 26, poz. 202 Архівавана 14 верасня 2014.)