Пусан

Пуса́н (кар.: 부산) — найбуйнейшы порт і другі пасля Сеула горад у Рэспубліцы Карэя, вядомы як «Марская сталіца Рэспублікі Карэя».

Горад-метраполія Пусан 부산 광역시, 釜山廣域市 Сцяг[d] Герб Краіна  Рэспубліка Карэя Статус Горад-метраполія (кван'ёксі) Каардынаты 35°10′46″ пн. ш. 129°04′32″ у. д.HGЯO Унутранае дзяленне 15 ку, 1 кун Мэр Хо Нам Сік Ранейшыя назвы Танэбу, Фудзан Плошча 765,46 км² Вышыня цэнтра 30 м Водныя аб’екты Tsushima Strait[d] і Port of Busan[d] Насельніцтва 3 453 198 чал. (ліпень 2018)[1] Часавы пояс UTC+9 Тэлефонны код 051 Паштовыя індэксы 46000[2], 619–963 і 49599[2] Афіцыйны сайт busan.go.kr Пусан на карце Паўднёвай Карэі

Медыяфайлы на Вікісховішчы

З’яўляецца горадам непасрэднага падпарадкавання. Афіцыйная назва — Горад-метраполія Пусан (кар.: 부산광역시).

Пусан размяшчаецца на паўднёва-ўсходняй аканечнасці Карэйскага паўвострава на беразе Карэйскага праліва. Найбольш густа забудаваныя раёны знаходзяцца ў некалькіх вузкіх далінах між рэкамі Нактанган і Суёнган, горы з’яўляюцца натуральнымі межамі некаторых гарадскіх раёнаў.

У 2002 годзе ў Пусане праводзіліся Азіяцкія гульні і Чэмпіянат свету па футболу 2002, а ў 2005 годзе горад быў сталіцай форума АЦЭС. 14 лістапада 2005 года быў абвешчаны прэтэндэнтам на правядзенне Алімпійскіх гульняў 2020 года.

Пусан вядомы шматлікімі небаскробамі і іншымі архітэктурнымі славутасцямі. Тут знаходзіцца самы вялікі ўнівермаг у свеце — «Сінсеге Сентум Сіці». У горадзе таксама будуецца іншы мега-будынак — небаскроб «Лотэ Супер Таўэр». У гэтым будынку мусіць быць 110 паверхаў, праектная вышыня — 510 метраў. У 2013 годзе, калі будаўніцтва будзе скончана, «Лотэ Супер Таўэр» трапіць у лік найвышэйшых небаскробаў свету.

Гісторыя

З пачатку XV стагоддзя па 1592 год з’яўляўся асноўным гандлёвым портам краіны. Перш за ўсё гандляваў з Японіяй. З захопу горада ў 1592 годзе японскімі войскамі пад камандаваннем Таётомі Хідэёсі пачалася Імчжынская вайна. З 1598 па 1876 гады горад меў закрыты статус, затым стаў першым горадам Карэі, адкрытым для знешняга гандлю, аднак да 1883 года гандляваў толькі з Японіяй. З 1910 года разам з усёй тагачаснай Карэяй перайшоў пад пратэктарат Японіі і ператварыўся ў буйны гандлёвы і прамысловы цэнтр.

Падчас Карэйскай вайны 1950—1953 гадоў з’яўляўся часовай сталіцай Рэспублікі Карэя і ваеннай базай ЗША і іх саюзнікаў, бо быў самым аддаленым пунктам ад мяжы з КНДР.

Транспарт

Порт Пусан — буйнейшы ў Паўднёвай Карэі, ім маюць магчымасць карыстацца судны водазмяшчэннем да 50 тыс. тон, даўжынёй да 330 метраў і асадкай да 12,5 метраў.^[3]

Таксама, Пусан буйны чыгуначны вузел, у горада ёсць міжнародны аэрапорт Кімхэ, метрапалітэн, добра развітая сетка аўтобуснага руху, таксі і водны «трамвай».

У горадзе знаходзіцца самы доўгі мост Паўднёвай Карэі — Кван’ан.

Вышэйшая адукацыя ў Пусане

Універсітэты

• Пусанскі нацыянальны ўніверсітэт
• Нацыянальны ўніверсітэт Пугён
• Пусанскі ўніверсітэт замежных моў
• Марскі ўніверсітэт Карэі
• Пусанскі нацыянальны педагагічны ўніверсітэт
• Універсітэт Тона
• Універсітэт Тон'і
• Універсітэт Кёнсон
• Універсітэт Сіла
• Універсітэт Тонса
• Універсітэт Тонмён
• Універсітэт інфармацыйных тэхналогій Тонмён
• Універсітэт Кансін
• Пусанскі каталіцкі ўніверсітэт
• Пусанскі ўніверсітэт Чансін
• Універсітэт Ёнсан

Насельніцтва

Год Колькасць 2018 3 453 198 [1]

Гарады-пабрацімы

•  Jiulongpo District^[d], Кітай
•  /  Бангкок, Тайланд / Konbaung dynasty^[d] (11 ліпеня 2011)
•  Барселона, Іспанія
•  Вальпараіса, Чылі
•  Гаасюн, Тайвань
•  Дубай, ААЭ (2006)
•  Касабланка, Марока
•  Лос-Анджэлес, ЗША
•  Манрэаль, Канада
•  Маніла, Філіпіны
•  Окленд, Новая Зеландыя (22 красавіка 1996)^[4]
•  Пенза, Расія (2006)^[5]
•  Рыа-дэ-Жанэйра, Бразілія (23 верасня 1985)^[6]
•  Салонікі, Грэцыя
•  Санкт-Пецярбург, Расія (2008)^[7]
•  Стамбул, Турцыя
•  Сурабая, Інданезія (10 лістапада 1994)^[8]
•  Сіманасекі, Японія
•  Тыхуана, Мексіка
•  Уладзівасток, Расія (30 чэрвеня 1992)^[9][10]
•  Фукуока, Японія
•  Хашымін, В’етнам
•  Чыкага, ЗША
•  Шанхай, Кітай (1993)
•  Якагама, Японія (26 чэрвеня 2006)
•  прэфектура Нагасакі, Японія (25 сакавіка 2014)

Зноскі

1. http://kosis.kr/statHtml/statHtml.do?orgId=101&tblId=DT_1B04005N&conn_path=I2
2. State Basic District System

   <a href='https://wikidata.org/wiki/Track:Q22972917'></a>
3. Лоция порта Пусан (Тихий океан) (руск.)(недаступная спасылка). Архівавана з першакрыніцы 28 красавіка 2015. Праверана 12 кастрычніка 2009.
4. https://www.aucklandcouncil.govt.nz/about-auckland-council/our-partnerships/Pages/international-relations.aspx
5. http://documents.penza-gorod.ru/doc2-358.html
6. http://mail.camara.rj.gov.br/APL/Legislativos/contlei.nsf/50ad008247b8f030032579ea0073d588/3f4147a57ed8aa3483257e8800663664?OpenDocument
7. https://kvs.gov.spb.ru/en/agreements/
8. http://www.surabaya.go.id/uploads/attachments/2015/12/4081/ilppd_ta_2013.pdf
9. https://topovl.ru/netcat_files/userfiles/vladivostok-sister-cities/005-Busan-city.pdf
10. https://topovl.ru/vladivostok-sister-cities/