Касабланка

У паняцця ёсць і іншыя значэнні, гл. Касабланка (значэнні).

Касабла́нка^[4] — горад у заходнім Марока, самы населены ў краіне. Гэты найбуйнейшы ў Марока порт стаіць на беразе Атлантычнага акіяна, недалёка ад сталіцы Рабата. Насельніцтва — 2 940 623 (ацэнка 1994 года).

Населены пункт
Касабланка
араб. الدار البيضاء‎ тамаз.: ⵜⵉⴳⵎⵎⵉ ⵜⵓⵎⵍⵉⵍⵜ[1] ісп.: Casablanca фр.: Casablanca
Герб
33°35′57″ пн. ш. 7°37′12″ з. д.HGЯO
Краіна	Марока[2]
Кіраўнік	Nabila Rmili[d]
Гісторыя і геаграфія
Вышыня цэнтра	115 м
Часавы пояс	UTC+0 і UTC+1
Насельніцтва
Насельніцтва	▼3 215 935 чал. (2024)[3]
Афіцыйная мова	арабская і Standard Moroccan Amazigh[d]
Лічбавыя ідэнтыфікатары
Тэлефонны код	22, 21
Паштовы індэкс	20000 - 20200
casablancacity.ma/… (фр.)
Паказаць/схаваць карты
Касабланка
Медыяфайлы на Вікісховішчы

Дэмаграфія

Паводле перапісу насельніцтва Марока 2014 года, у камуне Касабланка жыло 3 359 818 чалавек. Каля 98 % насельніцтва жыве ў гарадскіх раёнах. Каля 25 % жыхароў маладзейшыя за 15 гадоў, а 9 % — старэйшыя за 60 гадоў. Насельніцтва горада складае каля 11 % ад агульнай колькасці насельніцтва Марока. Вялікая Касабланка — найбуйнейшы гарадскі раён ў Магрыбе. 99,9 % насельніцтва Марока складаюць арабы і берберскія мусульмане. Пры французскім пратэктараце ў Марока еўрапейскія хрысціяне складалі амаль палову насельніцтва Касабланкі.^[5] Пасля абвяшчэння незалежнасці Марока ў 1956 годзе доля еўрапейцаў значна скарацілася. У горадзе па-ранейшаму жыве невялікая абшчына мараканскіх хрысціян, а таксама невялікая група замежнікаў рымска-каталіцкага і пратэстанцкага веравызнання.^[6][7]

Год Колькасць 1931 160 000 [8] 1952 682 000 [8] 1970 1 400 000 [8] Год Колькасць 1982 2 500 000 [9] 1995 3 300 000 [10] 1997 3 100 000 [11] Год Колькасць 2004 3 631 061 2014 3 359 818 2016 4 370 000 [12] Год Колькасць 2018 3 499 000 [13] 2024 3 215 935 [3]

Турызм

Хоць міжнародны аэрапорт Махамеда V прымае большасць міжнародных рэйсаў у Марока,^[14] міжнародны турызм у Касабланцы не так развіты, як у іншых гарадах,^[15] такіх як Фес і Маракеш.

Папулярныя месцы турызму — гандлёвыя цэнтры Morocco Mall, Anfa Place, Marina і Tachfine Center. Таксама папулярныя набярэжная Корніш і пляж Айн Дыяб, Парк Лігі арабскіх дзяржаў, тэматычны парк Сіндыбад.

Мячэць Хасана II — другая па велічыні мячэць у Афрыцы і сёмая ў свеце, з мінарэтам вышынёй 210 метраў^[16] — галоўная турыстычная славутасць горада. Наведвальнікі таксама прыязджаюць, каб убачыць багатую архітэктурную спадчыну горада.^[17]

Гарады-пабрацімы

•  Аман, Іарданія (2008)
•  Аран, Алжыр
•  Артвін^[d], Турцыя
•  Бангалор, Індыя
•  Бардо, Францыя (3 лістапада 1988)^[18]
•  Барселона, Іспанія (2011)
•  Бенгазі, Лівія
•  Буэнас-Айрэс, Аргенціна (2006)
•  Дакар, Сенегал (1967)
•  Джакарта, Інданезія (1990)
•  Джыда, Саудаўская Аравія
•  Куала-Лумпур, Малайзія (1991)
•  Манрэаль, Канада
•  Нуадзібу, Маўрытанія (1988)
•  Парыж, Францыя (2005)
•  Пусан, Паўднёвая Карэя
•  Рамала, Дзяржава Палесціна (снежань 2010)^[19]
•  Рыа-дэ-Жанэйра, Бразілія^[20]
•  Санкт-Пецярбург, Расія
•  Сасновец, Польшча
•  Стамбул, Турцыя (2009)
•  Сфакс, Туніс
•  Сідзі Беннур^[d], Марока
•  Токіа, Японія
•  Чыкага, ЗША (1982)
•  Шанхай, Кітай (1986)
•  Эмірат Дубай, ААЭ (1988)

Вядомыя асобы

• Жан Рэно (нар. 1948) — французскі акцёр.
• Серж Арош (нар. 1944) — французскі фізік.