Пётр Апанасавіч Мірашнічэнка

У Вікіпедыі ёсць артыкулы пра іншых людзей з прозвішчам Мірашнічэнка.

Пётр Апанасавіч Мірашнічэнка (26 лістапада 1922, в. Запсілля, Сумскі павет, Харкаўская губерня, цяпер Сумская вобласць, Украіны — 1 студзеня 1944) — удзельнік баёў на Беларусі ў Вялікую Айчынную вайну, камандзір узвода пешай разведкі 717-га стралковага палка 170-й стралковай дывізіі 48-й арміі 1-га Беларускага фронта, лейтэнант. Герой Савецкага Саюза (1944).

Пётр Апанасавіч Мірашнічэнка
Дата нараджэння	10 кастрычніка 1922(1922-10-10)
Месца нараджэння	Запсілля, Сумскі павет[d], Харкаўская губерня, УССР
Дата смерці	1 студзеня 1944(1944-01-01) (21 год)
Месца смерці	Светлагорскі раён, Беларусь
Месца пахавання	Светлагорск
Грамадзянства	СССР
Прыналежнасць	СССР
Гады службы	1941—1944
Званне	Лейтэнант
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

Брацкая магіла ў Светлагорску, дзе пахаваны Мірашнічэнка

Біяграфія

Нарадзіўся ў вёсцы Запсілля Краснапільскага раёна Сумскай вобласці.

Працаваў токарам на машынабудаўнічым заводзе ў горадзе Сумы. Член ВКП(б) з 1943 года.

У Чырвонай Арміі з 1941 года,на фронце са снежня 1941. У 1942 годзе скончыў курсы малодшых лейтэнантаў. Быў двойчы паранены.

Камандзір узвода разведкі лейтэнант Мірашнічэнка вызначыўся пры вызваленні Гомельскай вобласці ў цяжкім баі каля в. Печышчы Парыцкага раёна (цяпер Светлагорскі раён, Гомельская вобласць) сваім целам закрыў амбразуру варожага дзота.

Узнагароды

• Указам Прэзідыума Вярхоўнага Савета СССР ад 3 чэрвеня 1944 года за бяспрыкладны подзвіг у імя Айчыны лейтэнанту Мірашнічэнка Пятру Апанасавічу прысвоена званне Героя Савецкага саюза (пасмяротна)
• Узнагароджаны ордэнам Леніна (пасмяротна) і медалём «За адвагу».

Памяць

• Яго імем названы вуліцы ў Жлобіне, Мінску, Светлагорску.
• Яго імя прысвоена піянерскай дружыне Светлагорскай сярэдняй школы № 1 і занесена ў Кнігу народнай славы калгаса «Прагрэс» Светлагорскага раёна.
• У в. Печышчы Светлагорскага раёна на будынку клуба яму ўсталявана мемарыяльная дошка.

Зноскі