Пётр Мікалаевіч Герасімовіч

Пётр Мікалаевіч Герасімовіч (12 сакавіка 1912, в. Танежыцы, Слуцкі раён — 20 красавіка 1990) — беларускі мастак-графік^[1] і мастацтвазнавец^[2].

Пётр Мікалаевіч Герасімовіч
Дата нараджэння	12 сакавіка 1912(1912-03-12)
Месца нараджэння	Танежыцы, Слуцкі павет, Мінская губерня, Расійская імперыя
Дата смерці	20 красавіка 1990(1990-04-20) (78 гадоў)
Грамадзянства	Расійская імперыя  СССР
Род дзейнасці	мастак, дзеяч выяўленчага мастацтва, графік, тэарэтык мастацтва
Месца працы	Нацыянальны мастацкі музей Рэспублікі Беларусь
Жанр	графіка
Вучоба	Віцебскае народнае мастацкае вучылішча

У Вікіпедыі ёсць артыкулы пра іншых людзей з прозвішчам Герасімовіч.

Біяграфія

Нарадзіўся ў вёсцы Танежыцы Слуцкага павета. У 1933 годзе скончыў Віцебскі мастацкі тэхнікум, вучыўся ў І. Ахрэмчыка і У. Хрусталёва. Да 1941 г. выкладаў маляванне ў Мазырскім педтэхнікуме^[2].

Удзельнік Вялікай Айчыннай вайны. Пасля вайны працаваў у Дзяржаўным мастацкім музеі БССР, з 1954 па 1982 гг. — на пасадзе загадчыка аддзела рускага і беларускага мастацтва Дзяржаўнага мастацкага музея БССР. Сябра Беларускага саюза мастакоў з 1956 г^[2].

Творчасць

Творчыя работы выкананы пераважна ў тэхніцы лінагравюры, з іх найбольш вядомы «Год 1919», «Год 1930», партрэты Я. Купалы і Я. Коласа (1981), партрэт мастака В. Бялыніцкага-Бірулі^[1]. Працаваў у галіне экслібрысу.

Аўтар прац па беларускаму выяўленчаму мастацтву: «Изобразительное искусство Белорусской ССР» (у сааўтарстве, М. 1957), «Дзяржаўны мастацкі музей БССР» (у сааўтарстве, Мн. 1976), «Нацюрморт» (Мн. 1982), «Мастацтва, народжанае Кастрычнікам», манаграфіі пра мастакоў Я. А. Зайцава (М. 1958) і А. М. Тычыну (Мн. 1961)^[2].

Яго творы знаходзяцца ў зборы Нацыянальным мастацкім музеі Беларусі^[1].

Зноскі

1. Слуцкая палитра: Из фондов Слуцкого краеведческого музея: фотоальбом / сост., авт. текста Н. Г. Серик; фото В. А. Сибрикова. — Минск: Літаратура і Мастацтва, 2010. — С. 6. — 64 с.
2. Герасімовіч Пётр Мікалаевіч