Пётр Пятровіч Пракаповіч

У Вікіпедыі ёсць артыкулы пра іншых людзей з прозвішчам Пракаповіч.

Пётр Пятро́віч Пракапо́віч (нар. 3 лістапада 1942, вёска Казлы^[1] або вёска Роўна^[2], цяпер Пружанскі раён, Брэсцкая вобласць) — беларускі дзяржаўны дзеяч, старшыня праўлення Нацыянальнага банка Рэспублікі Беларусь у 1998—2011 гадах. Былы віцэ-прэм'ер Рэспублікі Беларусь.

Пётр Пятровіч Пракаповіч
Род дзейнасці	эканаміст, банкір, палітык
Дата нараджэння	3 лістапада 1942(1942-11-03) (82 гады)
Месца нараджэння	Казлы, Мокраўскі сельсавет, Пружанскі раён, Брэсцкая вобласць, Беларуская ССР, СССР
Грамадзянства	Беларуская ССР  Беларусь
Узнагароды і прэміі	ганаровы грамадзянін горада Брэста (27 ліпеня 2011)

Біяграфія

• 1960—1961 — муляр Даўжанскага шахтабудаўнічага кіравання Луганскай вобласці.
• 1966 — скончыў Днепрапятроўскі інжынерна-будаўнічы інстытут.
• 1966—1972 — майстар-будаўнік, прараб, галоўны інжынер, начальнік будаўнічага ўпраўлення № 3 трэста «Цэлінаградпрамбуд» (Казахстан).
• 1972—1976 — намеснік старшыні, старшыня праўлення Кобрынскай міжкалгаснай будаўнічай арганізацыі.
• 1976—1996 — галоўны інжынер Брэсцкага аблміжкалгасбуду, генеральны дырэктар Брэсцкага аблсельбуда, ВА "Брэстаблсельбуд".
• 1990—1995 — Дэпутат Вярхоўнага Савета Беларусі.
• 1996 — намеснік кіраўніка Адміністрацыі Прэзідэнта Рэспублікі Беларусь, першы намеснік прэм'ер-міністра Рэспублікі Беларусь.
• з сакавіка 1998 г. — старшыня праўлення Нацыянальнага банка Рэспублікі Беларусь. Напярэдадні эканамічнага крызісу 2011 г., П. Пракаповіч заявіў «Пакуль я з'яўляюся старшынёй Нацбанка, дэвальвацыі больш за 5% не будзе», але беларускі рубель неўзабаве абясцэніўся ў тры разы (ад 3 000 да 8 700 BYR за долар ЗША).
• 13 красавіка 2011 г. стала вядома, што Пракаповічу была зробленая складаная аперацыя на сэрцы.
• У чэрвені 2011 г. быў адпраўлены ў адстаўку «па стане здароўя».
• 18 ліпеня 2011 г. быў афіцыйна адпраўлены на пенсію. У 2012—2013 гг. працаваў памочнікам прэзідэнта. 29 лістапада 2012 г. узначаліў Раду па развіцці прадпрымальніцтва.
• 3 красавіка 2015 г. абраны старшынёй назіральнага савета БПС-Ашчадбанка^[3]

Узнагароды

• Герой Беларусі (2006)^[4].
• Ордэн Айчыны III ступені.
• Ордэн Працоўнага Чырвонага Сцяга.
• Ордэн «Знак Пашаны».
• Заслужаны будаўнік Беларускай ССР.
• Ганаровы доктар Палескага дзяржаўнага ўніверсітэта^[5].

Зноскі

1. Святлана Яскевіч. Узлёт «Жураўлінага», або Аграгарадок новага фармату // Звязда. — 27 кастрычніка 2010. — № 210 (26818).
2. Хто ёсць хто ў Рэспубліцы Беларусь Архівавана 17 верасня 2014. (руск.)
3. Пракаповіч абраны старшынёй назіральнага савета БПС-Ашчадбанка (руск.)
4. Указ № 135 ад 1 сакавіка 2006 г — Аб прысваенні М. С. Высоцкаму, П. П. Пракаповічу, В. А. Равяку і М. А. Савіцкаму звання «Герой Беларусі»
5. Почётные доктора и профессора | Полесский государственный университет (нявызн.). www.polessu.by. Праверана 16 лютага 2024.