Пётр Сцяпанавіч Грунтоў

У Вікіпедыі ёсць артыкулы пра іншых людзей з прозвішчам Грунтоў.

Пётр Сцяпанавіч Грунто́ў^[1] (10 жніўня 1933 — 22 снежня 2012) — вучоны ў галіне транспартных сістэм, доктар тэхнічных навук (1978), прафесар (1979). Заслужаны дзеяч навукі і тэхнікі БССР (1978). Член-карэспандэнт Нью-Ёркскай акадэміі навук (1996), Акадэміі транспарту Расійскай Федэрацыі, Транспартнай акадэміі Украіны, член Інтэрнацыянальнага інстытута менеджмента ЗША^[2].

Пётр Сцяпанавіч Грунтоў
Дата нараджэння	10 жніўня 1933(1933-08-10)
Месца нараджэння	Гарнова Сенненскі раён, Віцебская вобласць
Дата смерці	22 снежня 2012(2012-12-22) (79 гадоў)
Грамадзянства	СССР
Род дзейнасці	навуковец
Месца працы	Беларускі дзяржаўны ўніверсітэт транспарту
Навуковая ступень	доктар тэхнічных навук
Навуковае званне	прафесар
Альма-матар	Беларускі інстытут інжынераў чыгуначнага транспату
Узнагароды

Біяграфія

Нарадзіўся ў вёсцы Гарнова Сенненскі раён Віцебскай вобласці. У 1958 годзе скончыў Беларускі інстытут інжынераў чыгуначнага транспарту. З 1960 г. у Беларускім універсітэце транспарту, у 1986—1996 гг. яго рэктар.

Навуковая дзейнасць

П. С. Грунтову належаць працы па аўтаматызаваных сістэмах кіравання чыгуначным транспартам, тэорыі экстрэмальных станаў і іх імавернасна-аналітычным апісанні, стварэнні методык разліку надзейнасці і бяспечнасці пропуску транспартных сродкаў. З’яўляецца аўтарам больш за 200 навуковых прац^[2].

Сярод апублікаванага:

• Эксплуатационная надежность станций. — М., 1986.;
• Управление эксплуатационной работой и качеством перевозок на железнодорожном транспорте. — М., 1994. (у сааўтарстве).

Узнагароды

• Ордэн «Знак Пашаны»
• Прэмія Савета Міністраў СССР 1989 г.
• Значкі «Ганаровы чыгуначнік», «За выдатныя поспехі ў рабоце»

Зноскі

1. Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5.
2. Знаменитые люди Гомельщины(недаступная спасылка) (руск.)